Pensiyaçıların NƏZƏRİNƏ: Təqaüdünüzdən bu qədər pul tutulacaq

CƏMİYYƏT

860

09.12.2025, 12:47

Son zamanlar banklara borcu olan pensiyaçılar arasında ciddi narahatlıq yaranıb. Belə ki, bəzi hallarda pensiyanın tam şəkildə borc ödənişinə yönəldilməsi vətəndaşın gündəlik xərclərini qarşılama imkanlarını məhdudlaşdırır. Bu isə həm sosial rifaha, həm də hüquqi tənzimləmələrin tətbiqinə dair suallar doğurur: borcu olan pensiyaçının yaşayış minimumu necə qorunmalıdır və qanun buna hansı imkanları tanıyır?

Oxu24.com xəbər verir ki,məsələ ilə bağlı Konkret.az-a açıqlama verən iqtisadçı ekspert Əkrəm Həsənov bildirib ki, mövcud qanunvericiliyə əsasən, vətəndaşın gəlirinin, o cümlədən pensiyasının yarısınadək borc öhdəliklərinə görə tutulması mümkündür.

Ekspert qeyd edib ki, qanunda məcburi olaraq 50 faiz tutulmalı olduğu göstərilmir. Sadəcə olaraq maksimum hədd 50 faizdir və daha az tutulması da qanuna uyğundur. Bu zaman vətəndaşın yaşayış minimumu mütləq qorunmalıdır.

Ə.Həsənov vurğulayıb ki, təcrübədə çox zaman pensiyanın yarısı tutulur və vətəndaşın yaşayış minimumunun təmin edilməsinə lazımi diqqət göstərilmir:

Həmçinin oxuyun

İranda bu sayda adam həyatını İTİRİB – ŞOK RƏQƏM

Martın 3-ü ilə bağlı XƏBƏRDARLIQ: Qar yağacaq,-8 dərəcə şaxta olacaq

DYP sürücülük vəsiqəsi ilə bağlı mühüm xəbər yaydı: Mart ayının 26-dan etibarən...

İranın yeni dini lideri kim olacaq?- Onun hansı səlahiyyətləri var?

“Yaşayış minimumu şəxsi təmin etməlidir. Qanun demir ki, mütləq 50 faiz tutulmalıdır. Sadəcə olaraq 50 faizədək tutulur. Ondan az da tutula bilər. Təəssüf ki, dövlət orqanları çox vaxt vətəndaşın bu hüququnu təmin etmir. Mən bunu qanunsuz və Konstitusiyaya zidd hesab edirəm. Çünki Konstitusiyaya görə, insan haqlarının müdafiəsi dövlətin ali məqsədidir. Yaşayış minimumu da insanın haqqıdır. O, pulu almasa, yaşaya bilməz.”

Ekspertin sözlərinə görə, bu kimi hallarla qarşılaşan pensiyaçı bank və müvafiq dövlət qurumlarına müraciət edərək tutmanın daha az müəyyən edilməsini tələb etməli, lazım gəldikdə məhkəməyə şikayət etməlidir.