Azərbaycan universitetləri barədə maraqlı faktlar:Kimdə daha çox tələbə var?

Azərbaycanda Universitetlərin tarixi və fəaliyyəti.

Azərbaycanda ali təhsil sistemi uzun inkişaf yolu keçib və ölkənin müxtəlif universitetləri ölkənin təhsil sahəsində mühüm rol oynayır. Universitetlərin yaranma tarixi, rektorları və fəaliyyət sahələri barədə məlumatlar tələbələr və ictimaiyyət üçün əhəmiyyətlidir.

Oxu24.com  bildirir ki,Məsələn, Bakı Dövlət Universiteti (BDU)  1919-cu il 1 sentyabrda Azərbaycan Xalq Cümhuriyyətinin parlamenti tərəfindən təsis edib. Hazırda BDU-ya  rektor Elçin Babayev rəhbərlik edir. Universitetdə müxtəlif fakültələr fəaliyyət göstərir və tələbələr yüksək səviyyəli təhsil alır. Qeyd edək ki, BDU Qafqazda yaradılmış ilk ali təhsil müəssisəsidir. Tərkibində 4 institut, 16 fakültə fəaliyyət göstərir.

Azərbaycan Texniki Universiteti (AzTU) 1950-ci ildə təsis olunub və texniki elmlər sahəsində mütəxəssislər hazırlayır. Rektor Vilayət Vəliyev universitetin inkişafına rəhbərlik edir.

Azərbaycan Dövlət Neft və Sənaye Universitetinin (ADNSU)  tarixi 1887-ci ildən başlasa da,  16 noyabr 1920-ci ildə yaradılıb. Hazırda rektor Rüfət Əzizovdur.  Qafqaz Universitetlər Birliyinin üzvüdür. 20000-dən çox tələbəsi var. 

Azərbaycan Dillər Universiteti (ADU)  1973-cü ildə əsası qoyulub. Rektor Kamal Abdulladır. Universitetdə 5 fakültə, 31 kafedra, elmi mərkəzlər, laboratoriyalar fəaliyyət göstərir. 6000-dən çox tələbəsi var. ADU dövlət ali məktəbləri arasında ilk dəfə bütünlüklə kredit sistemli təhsilə keçən ali təhsil mərkəzidir. 

Azərbaycan Memarlıq və İnşaat Universiteti (AzMİU) 1975-ci ildə yaradılıb. Rektoru Gülçöhrə Məmmədovadır. 8000-dən çox tələbəsi var.  Bəzi fakultələrində təhsil Azərbaycan, rus və ingilis dillərində aparılır. Qafqaz Universitetlər Birliyinin üzvüdür.

Bakı Slavyan Universiteti (BSU) 1946-cı ildə əsası qoyulub. Rektoru Anar Nağıyevdir. Universitetin bir çox ölkələrin institutları, universitetləri ilə əlaqələri mövcuddur. 5 fakültəsi var. 

Həmçinin oxuyun

Rusların "20 Yanvar" günü öldürmək istədiyi həkim illər sonra hansı SİRLƏRİ AÇDI? —    ÖZƏL MÜSAHİBƏ

 Eyvazovlar ailəsinin vəzifəsindən azad edilən qızı Jalə Eyvazova kimdir?  

Azərbaycanda zəlzələ oldu

Azərbaycanda - 23 dərəcə şaxta olacaq: Yollar buz bağlayacaq 

Azərbaycan Dövlət Mədəniyyət və İncəsənət Universiteti (ADMİU) 1923-cü ildə yaradılıb. Rektor Ceyran Mahmudovadır. 2400-dən çox tələbəsi var. 5 fakültəsi, 21 kafedrası var. 

Azərbaycan Dövlət Pedaqoji Universiteti (ADPU) 26 avqust 1921-ci ildə əsası qoyulub. Rektor Cəfər Cəfərovdur. 18000-dən çox tələbəsi var.  8 fakültəsi, 33 kafedrası var. ADPU-nun 5 filialı var. 

Xəzər Universiteti  18 mart 1991-ci ildə yaradılıb. Rektor İradə Xəlilovadır. Universitetdə tədris dili ingilis dilidir. Eyni zamanda universitetdə müxtəlif idman bölmələri fəaliyyət göstərir. 

Ölkədə fəaliyyət göstərən digər universitetlər də öz sahələrində ixtisaslaşır: iqtisadiyyat, hüquq, incəsənət, tibb və texnologiya sahələrində təhsil verirlər. Universitetlər elmi-tədqiqat fəaliyyəti ilə də məşğuldurlar, beynəlxalq layihələrdə iştirak edir və tələbələr üçün müxtəlif imkanlar yaradırlar.

Ali təhsil müəssisələrinin əsas məqsədi peşəkar kadrlar yetişdirmək, elmi biliklərin inkişafını təmin etmək və tələbələri müasir cəmiyyətin tələblərinə hazırlamaqdır.

Çimnaz Telmanqızı