Ramiz Mehdiyev həyat yoldaşının milliyəti barədə nə danışıbmış? — ARXİV ÜZƏ ÇIXDI

CƏMİYYƏT

4996

26.10.2025, 21:00

Ağır cinayətlərdə ittiham olunan Prezident Administrasiyasının sabiq rəhbəri Ramiz Mehdiyevin ətrafında müzakirələr davam edir.

Müzakirə olunanlar sırasında Ramiz Mehdiyevin həyat yoldaşı Qalina Mehdiyevanın (Qurskaya) milliyəti mövzusudur.İllərdir yayılan məlumatlarda onun erməni əsilli olması iddia olunur.

Oxu24.com saytı yaxın günlərdə Qalina Mehdiyevanın anasının məzarından görüntülər yaymışdı. Onun Bakıda yerləşən xristian qəbiristanlığında dəfn olunması və qəbri üzərində xaç işarəsinin olması müzakirələr yaratmışdı.(Red- Sözügedən reportajı bu LİNKDƏN izləyə bilərsiniz)

Bəs,Ramiz Mehdiyev bu iddialara necə cavab verir?

Oxu24.com bununla bağlı arxiv materiallarında araşdırma aparıb.

Məlum olur ki,R.Mehdiyev arvadının milliyəti barədə 2022-ci ilin fevral ayının 15-də açıqlama veribmiş.Həmin ərəfədə AMEA prezidenti postundan istefa verən Ramiz Mehdiyevin yaxın qohumunun həbsi xəbəri yayılmışdı.

Söhbət AMEA Rəyasət Heyəti katibliyinin həmin vaxtda rəisi olmuş Eldar Əmirovdan gedir.Həmin şəxsin R.Mehdiyevlə qohum olmaları xəbərini təkzib etmək məqsədi ilə sonuncu AMEA-nın mətbuat xidmətinin vasitəsi ilə belə bir açıqlama yaymışdı.

"AMEA Rəyasət Heyəti katibliyinin rəisi Eldar Əmirovun AMEA prezidenti, akademik Ramiz Mehdiyevin həyat yoldaşı ilə hər hansı qohumluq əlaqəsi yoxdur. Eldar Əmirov əslən qarabağlıdır, Ağdam şəhərindəndir. Akademik Ramiz Mehdiyevin həyat yoldaşı isə (Qalina Mehdiyeva) Gürcüstanın Poti şəhərindəndir. Ziyalı ailədə doğulub. Anası gürcü, atası polyak əsillidir. Ailədə bir bacı, bir qardaşdırlar", - deyə məlumatda vurğulanıb.

Rəsmi yayılan xəbərdə R.Mehdiyev ilk dəfə həyat yoldaşının milliyətini belə açıqlamışdı.

Buna baxmayaraq onun milliyətinin hansı xalqa mənsub olması bu günə qədər də müzakirə olunur.

R.Mehdiyevi tənqid edən bir sıra şəxslər onun həyat yoldaşının erməni kökənli olması və bəzi məlumatların dəyişdirildiyini iddia edir.

Miri Məcidli

Həmçinin oxuyun