"Bu qərar dövlətin media sektoruna göstərdiyi diqqətin bariz göstəricisidir" - Hacıbəy Heydərli 

Xəbər verdiyimiz kimi, Azərbaycanda media subyektləri üçün vergi güzəştinin müddəti daha 3 il uzadılıb. Bu, "Azərbaycan Respublikasının 2026-cı il dövlət büdcəsi haqqında” qanun layihəsində öz əksini tapıb. Qeyd edək ki, media subyektləri üçün 3 illik vergi güzəştinin müddəti 2026-cı il yanvarın 1-də başa çatırdı. Beləliklə, bu müddət daha 3 il uzadılır.

Mövzu ilə bağlı Mətbuat Şurası İdarə Heyətinin üzvü Hacıbəy Heydərli bildirib ki, bu qərar media sektoruna dövlət səviyyəsində verilən dəyərin göstəricisidir:

"Düşünürəm ki, bu qərar jurnalistlər üçün təkcə iqtisadi güzəşt deyil - eyni zamanda media sektoruna dövlət səviyyəsində verilən dəyərin və etimadın ifadəsidir. Bu addım həm media sahəsinin iqtisadi sabitliyinə, həm də informasiya məkanının keyfiyyətli inkişafına xidmət edir.

Vergi güzəştləri media subyektlərinə maliyyə resurslarını səmərəli bölüşdürmək, texnoloji imkanlarını genişləndirmək və keyfiyyətli informasiya istehsalına yönəlmək imkanı verir. Xüsusilə yeni yaranan və ya rəqəmsal platformalarda fəaliyyət göstərən media qurumları üçün bu güzəşt inkişaf üçün real stimul rolunu oynayır".

O qeyd edib ki, güzəştin davam etdirilməsi jurnalistlərin sosial rifahına da təsir edəcək:

"Güzəştin davam etdirilməsi medianın maddi cəhətdən ayaqda durmasına, jurnalistlərin sosial rifahının yaxşılaşmasına və ümumilikdə informasiya məkanının keyfiyyətinin yüksəlməsinə xidmət edir. Bununla yanaşı, qərar dövlətin media sektoruna göstərdiyi diqqətin, etimadın və dəstəyin bariz göstəricisidir.

Həmçinin oxuyun

Putin buna görə Əliyevdən üzr istəyib — RUSİYANIN AÇIQLAMASI

Məhkəmə Ramiz Mehdiyevin kürəkəni barədə QƏRAR VERDİ

Qulunc qırmağın bu  mənfi nəticəsi var imiş    —   Həkim XƏBƏRDARLIQ ETDİ

Prezident FƏRMAN İMZALADI 

Bu təşəbbüs həm də onu göstərir ki, dövlət medianın inkişafında, onun maliyyə sabitliyinin qorunub-saxlanmasında maraqlıdır. Dövlətin media sahəsinə göstərdiyi dəstək informasiya təhlükəsizliyinin təmin olunması, milli dəyərlərin qorunması və sağlam ictimai rəyin formalaşması baxımından da mühüm əhəmiyyət daşıyır. Bu, dövlət və media arasında qarşılıqlı etimada əsaslanan əməkdaşlığın daha da möhkəmlənməsinə şərait yaradır".

Hacıbəy Heydərli qeyd edib ki, dövlət-media münasibətlərinin möhkəmlənməsi baxımından da çox vacib addımdır:

"Dövlətimiz hər zaman jurnalistlərin yanındadır, onların fəaliyyətinə yüksək dəyər verir, media nümayəndələrinin peşəkar inkişafına və cəmiyyətin doğru məlumatlandırılması işinə hərtərəfli dəstək göstərir.

Ümumilikdə, vergi güzəştinin uzadılması media sahəsində davamlı inkişafın təmin edilməsi, yaradıcı potensialın reallaşdırılması və dövlət–media münasibətlərinin möhkəmlənməsi baxımından əhəmiyyətli addım kimi dəyərləndirirəm".