Qaynar xətt:

(+99450) 247 90 86

Şəhidin atası qəfil VƏFAT ETDİ

news/2025_08_23/538247883_9951003168334392_8892452913531146923_n_1755967983.jpg

CƏMİYYƏT

1246

23.08.2025, 20:48

 Aprel döyüşlərinin şəhidi Rəşid Baxşəliyevin atası Əliağa Baxşəliyev  dünyasını dəyişib.

Oxu24.com  xəbər  verir  ki, bu  barədə  şəhid  Əbdülməcid Axundovun anası  Ceyran  Həsənova  məlumat  paylaşıb.

"Ailəsinə və yaxınlarına dərin hüznlə basşağlığımızı bildiririk.Allah rəhmət eləsin...Mərhum sabah saat 11:00 -da  Abşeron gənclər şəhərciyindən  dəfnə götürüləcək",-deyə Ceyran  Həsənova qeyd edib.

Qeyd  edək  ki, Azərbaycan Silahlı Qüvvələrinin əsgəri olan Rəşid Əliağa oğlu Baxşəliyev 1996-cu il oktyabrın 23-da Sumqayıt şəhərində anadan olub. 2014-cü ildə Abşeron rayonunun Masazır qəsəbəsində Ə. Vahid adına 1 nömrəli tam orta məktəbdən məzun olub və həmin il hərbi xidmətə yollanaraq Ağcabədi rayonunda yerləşən "N" saylı hərbi hissədə müddətli həqiqi hərbi xidmət qulluqçusu kimi xidmət etməyə başlayıb. Əsgər Rəşid Baxşəliyev 2016-cı ilin "Aprel" döyüşlərinin iştirakçısı olub və 2 aprel tarixində Tərtər istiqamətində Talış zirvəsinin azad edilməsi uğrunda gedən döyüşlər zamanı qəhrəmancasına şəhid olub. Aprelin 12-də Sumqayıt şəhərinin Şəhidlər Xiyabanında dəfn olunub.

Rəşid Baxşəliyev göstərdiyi qəhrəmanlığa görə ölümündən sonra 3-cü dərəcəli "Hərbi xidmətdə fərqlənməyə görə" medalı ilə təltif edilib.

Miri