Ən yüksək balı toplayan Fuadın müəllimi uğurun səbəblərini açıqladı   

Xəbər verdiyimiz  kimi  II ixtisas qrupu üzrə ən yüksək nəticəni 391.7 bal toplayan Ucar rayonu 2 saylı şəhər tam orta məktəbinin məzunu Cənnətov Fuad Əlikram oğlu göstərib.

Oxu24.com xəbər verir   ki, O, imtahanın birinci mərhələsində 282.3 bal toplayıb. Fuad rus bölməsi üzrə təhsil alıb.

"Nəticəmi görəndə çox təəccübləndim. Bu qədər yüksək olacağını düşünməmişdim. Özüm bildikdən sonra valideynlərimə xəbər verdim. Onlar da mənim kimi bu nəticəyə çox sevindilər",-deyə Fuad Cənnətov hisslərini  bölüşüb.

O,harada təhsil almaq istədiyini də açıqlayıb.

"Təhsilimi BANM-da almağı planlayıram. Dəqiq qərara gəlməsəm də, maliyyə, biznesin idarə edilməsi ixtisaslarını seçməyi düşünürəm",-deyə F.Cənnətov qeyd edib.

Belə bir uğurun qazanılmasında  şagirdin çalışqanlığı və əzmi ilə yanaşı ona fənni tədris edən müəllimlərin də əməyi danılmazdır. Bu gün qürurlu olanlardan biri də Fuad Cənnətova Tarix fənnindən imtahanlara hazırlaşdıran  müəllim Fuad  Quliyev hisslərini Oxu24.com saytı ilə bölüşüb.

Həmçinin oxuyun

Yeni təyinatlar BAŞ TUTUB  - ADLAR 

Prezident sərəncam imzaladı 

Prezident nekroloq imzaladı 

Sabahdan hava şəraiti kəskin DƏYİŞİR: Bakıda və bölgələrdə hava belə olacaq 

"Fuad fədakar, çalışqan və məqsədyönlü bir gəncdir. O, qarşısına qoyduğu məqsədlərə çatmaq üçün ardıcıl şəkildə çalışan, öyrənməyə böyük maraq göstərən və məsuliyyət hissi yüksək olan bir tələbədir. Onun dərslərə olan diqqəti, intizamı və daim inkişaf etməyə olan istəyi nümunə göstəriləcək səviyyədədir.Həm fərdi, həm də kollektiv işlərdə özünü bacarıqlı, mədəni və təşəbbüskar bir tələbə kimi göstərmişdir. Suallara məntiqli yanaşması, analitik düşünmə qabiliyyəti və geniş dünyagörüşü onun əsas üstünlüklərindəndir. O, təkcə akademik sahədə deyil, həm də insani keyfiyyətləri ilə ətrafında olanların rəğbətini qazanmağı bacarır. Belə tələbələrlə işləmək həm müəllim, həm də məktəb üçün böyük qürurdur.Fuad tarix fənninə olan marağı və öyrənmək həvəsi ilə hər zaman seçilir. Tarixi şəxsiyyətlərə olan xüsusi marağı,  hadisələri analiz etmək bacarığı onun bu sahə üzrə bilik əldə etməsinə, xüsusi köməklik edir",-deyə uğurlu  tələbənin müəllimi açıqlamasında qeyd edib.

Miri Məcidli