MM-in iclasında Elgünün qətlə yetirilməsi ilə bağlı nə danışıldı?

2025/02/16/1739717759_milli_meclis_yeni_1.jpg

CƏMİYYƏT

466

24.05.2025, 20:37

Milli Məclisin mayın 23-də keçirilən iclasında deputat Elnarə Akimova son günlər cəmiyyətdə dərin narahatlıq və gərginlik yaradan bir məsələyə, yəni Gəncədə 17 yaşlı məktəbli Elgün İbrahimovun qətlə yetirilməsi hadisəsinə toxunub.

Oxu24.com xəbər verir ki, deputat bu faciənin yalnız bir cinayət hadisəsi deyil, eyni zamanda təhsil və cəmiyyətin mənəvi durumu ilə bağlı ciddi siqnallar verdiyini vurğulayıb.

Deputat belə hadisələrin qarşısının alınması üçün məktəblərdə psixoloji dəstək sisteminin gücləndirilməsinin vacibliyini qeyd edib:

"Məktəblərdə psixologiya fənninin tədrisi daha dərindən aparılmalı, peşəkar psixoloqlar təhsil müəssisələrinə cəlb olunmalıdır. Psixoloji hazırlıqlar və maarifləndirmə təlimləri məktəblilərin şüurunda müsbət dəyişikliklərə səbəb ola bilər. Qeyri-ixtisas müəllimlərinin məsələn, kimya, fizika və ya biologiya müəllimlərinin psixologiya dərsi keçməsi yolverilməzdir. Bu sahəyə yalnız ixtisaslı mütəxəssislər cəlb olunmalıdır," - deyə Elnarə Akimova bildirib.Milli.Az

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Deputat həmçinin müasir gənclərin mütaliəyə marağının azalmasından, onların dil qabiliyyətlərinin zəifləməsi və mənəvi dünyalarının daralmasından narahatlığını ifadə edib:

"Ədəbiyyatdan uzaq düşən, xəyal dünyası məhdudlaşan bir nəsil yetişir. Bu, təkcə təhsil deyil, gələcək cəmiyyətin formalaşması baxımından da ciddi təhlükədir. Dərsliklərimizdə və təhsil proqramlarımızda ədəbiyyata, mənəviyyata daha çox yer verilməlidir. Ədəbiyyat insanın daxili dünyasına, mənəviyyatına toxunan bir sahədir və bu baxımdan onun rolu əvəzolunmazdır," - deyə o, əlavə edib.