Qaynar xətt:

(+99450) 247 90 86

Qazaxıstandan vurulan AZAL təyyarəsi ilə bağlı yeni açıqlama

CƏMİYYƏT

993

23.05.2025, 14:08

Qazaxıstanın Aktau hava limanı yaxınlığında “Azərbaycan Hava Yolları” QSC-nin (AZAL) təyyarəsinin qəzaya uğraması ilə bağlı araşdırma ikinci mərhələdədir, ekspertlər toplanmış materialları öyrənirlər.

Oxu24.com  xəbər verir ki, bu barədə jurnalistlərə Qazaxıstanın nəqliyyat naziri Marat Karabayev məlumat verib.

"Ümumiyyətlə, istintaq bir neçə mərhələyə bölünür. Birinci mərhələdə müvafiq materialların toplanmasıdır. Bu mərhələ başa çatıb, ikinci mərhələ isə toplanmış materialların tədqiqidir. Hazırda araşdırma mərhələsindəyik", - deyə Qarabayev bildirib.

Bundan əvvəl Qazaxıstanın Baş Nəqliyyat Prokurorluğu məlumat vermişdi ki, AZAL təyyarəsinin qəzaya uğraması ilə bağlı ibtidai istintaqın məlumatları açıqlana bilməz.

"Hazırda işin hallarının hərtərəfli, tam və obyektiv araşdırılmasını təmin etmək üçün bütün tədbirlər görülür. AZAL-a məxsus mülki sərnişin təyyarəsinin qəzaya uğraması ilə bağlı təhqiqat təhlükəsizlik qaydalarını pozma maddəsi ilə aparılır", - deyə idarədən bildirilib.

Miri