Nahardan sonra insan niyə süstləşir?

Nahardan sonra süstlük bir çox insanın tanış olduğu vəziyyətdir. Bu vaxt enerji və konsentrasiya azalır, iş isə dözülməz bir yükə çevrilir.

Oxu24.com-un verdiyi məlumata görə, rusiyalı terapevt və ultrasəs diaqnostikası üzrə mütəxəssis Sergey İskovskix bunun səbəbləri və belə xoşagəlməz vəziyyətdən qaçmağın mümkün yolları haqqında danışıb.

Onun sözlərinə görə, alimlər nahar sonrası yuxululuğu gün ərzində aktivliyi tənzimləyən təbii sirkadiyan ritmləri ilə əlaqələndirirlər.

"Gün ərzində enerjinin paylanmasında daxili saatımız əsas rol oynayır. Günün ortasında, xüsusilə saat 14:00 və 17:00 arasında yuxululuq, kortizol səviyyəsinin təbii azalması və melatonin səviyyəsinin artması ilə əlaqəli ola bilər", - deyə o bildirib.

Həkimin sözlərinə görə, problemin həllinin açarı düzgün qidalanmadır.

"Səhər yeməyini buraxmaq nahardan sonra beyin qan dövranının azalmasına səbəb ola bilər ki, bu da süstlük hissini izah edir. Mənim klinik müşahidələrim təsdiqləyir ki, müntəzəm səhər yeməyi yeyən xəstələr nahar sonrası yorğunluqdan daha az şikayət edirlər", - deyə o qeyd edib.

Həmçinin oxuyun

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

Mütəxəssis səhər yeməyinə mürəkkəb karbohidratlar, zülallar və lif daxil etməyi, məsələn, yulaf sıyığı və ya banan yeməyi tövsiyə edib.

"Nahar isə əksinə, yüngül olmalıdır. Ağır qidalar, xüsusilə yüksək yağ tərkibli olanlar, yuxululuğu artıra bilər. Bu, orqanizmin belə qidanı həzm etmək üçün çox enerji sərf etməsi ilə əlaqədardır, buna görə də qan beyindən mədə-bağırsaq traktına yönəlir", - deyə o əlavə edib.

Düzgün qidalanma ilə yanaşı, həkim fiziki aktivliyi və su balansını qorumağı da məsləhət görür.

"Həmçinin sürətli karbohidratların qəbulunu azaltmaq lazımdır. Onlar qanda qlükoza səviyyəsinin kəskin artımına səbəb ola bilər, bunun ardınca isə eyni dərəcədə kəskin düşmə baş verir ki, bu da yorğunluq hissinə gətirib çıxarır. Keyfiyyətli gecə yuxusunun vacibliyini unutmayın. Xroniki yuxusuzluq və ya yuxu pozğunluqları günorta yorğunluğunun əsas səbəbi ola bilər. Gündə ən azı 7-8 saat yatmağa və gün rejimini saxlamağa çalışın", - deyə Sergey İskovskix sözlərini yekunlaşdırıb.