Dünyada hər dəqiqə dörd qadında bu xəstəlik aşkarlanır - 2050-ci ilə qədər...

2025/02/26/1740528806_qadin_xestexana_hd.jpg

CƏMİYYƏT

2608

26.02.2025, 10:15

Beynəlxalq Xərçəng Araşdırmaları Agentliyinin (IARC) rəsmisi bildirib ki, hazırda dünyada hər dəqiqə dörd qadına döş xərçəngi diaqnozu qoyulur və hər dəqiqə bir qadın bu xəstəlikdən həyatını itirir.

OXU24.COM xarici mediaya istinadla xəbər verir ki, Ümumdünya Səhiyyə Təşkilatına bağlı olan IARC-in son araşdırmasına görə, 2050-ci ilə qədər döş xərçəngi diaqnozu və ölüm hallarında ciddi artım gözlənilir. Təhlillər göstərir ki, qarşıdakı 25 il ərzində hər 20 qadından biri bu xəstəliklə üzləşə bilər.

Proqnozlara əsasən, 2050-ci ildə dünyada hər il 3,2 milyon yeni yoluxma və 1,1 milyon ölüm baş verəcək. Məsələn, Böyük Britaniyada illik diaqnoz halları 2022-ci ildəki 58,756-dan 71,006-ya yüksələcək, ölüm halları isə 12,122-dən 17,261-ə çatacaq.

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

Araşdırmalar sübut edir ki, döş xərçəngi hallarının dörddə birinə qədərinin qarşısını almaq mümkündür. Alkoqol istifadəsinin azaldılması, sağlam çəkinin qorunması və fiziki aktiv həyat tərzi bu riski əhəmiyyətli dərəcədə azalda bilər.

Xəstəliyin yayılma səviyyəsi regionlara görə dəyişir. IARC-in məlumatlarına görə, ən yüksək diaqnoz göstəriciləri Avstraliya, Yeni Zelandiya, Şimali Amerika və Şimali Avropada qeydə alınır. Buna qarşılıq, Asiya və Afrikada diaqnoz halları nisbətən azdır. Lakin ölüm göstəriciləri Melaneziya, Polineziya və Qərbi Afrikada daha yüksəkdir.