İran-Azərbaycan sərhədində, Araz çayı üzərindəki avtomobil körpüsünün tikintisi bu ilin yazında başa çatdırılacaq.

OXU24.COM  xəbər verir ki, bunu İranın yol və şəhərsalma naziri Fərzanə Sadiq Azərbaycan və İran Birgə İqtisadi Komissiyasının 16-cı iclasında deyib.

Nazir Zəngilan rayonunun Ağbənd yaşayış məntəqəsindən başlayan və İran ərazisindən keçməklə Culfaya qədər uzanan yoldan da bəhs edib. O, həmçinin Astara Terminalının ölkələr arasında ticarət əlaqələrinin intensiv inkişafına xidmət etdiyini də diqqətə çatdırıb.