Azərbaycanın Xarici İşlər Nazirliyi Bosniya və Herseqovinada baş verən təbii fəlakət nəticəsində həlak olanların ailələrinə başsağlığı verib.

OXU24.COM  xəbər verir ki, bu barədə nazirliyin “X” hesabında paylaşım edilib.

“Bosniya və Herseqovinanın Yablanika şəhərində torpaq sürüşməsi və daşqınların törətdiyi və çoxlu sayda insanın ölümü, yaralanması və itkin düşməsinə səbəb olan dəhşətli dağıntılar xəbəri bizi dərindən kədərləndirir. Qurbanların yaxınlarına başsağlığı verir, yaralananların tezliklə sağalacağına ümid edir, Bosniya və Herseqovina ilə həmrəy olduğumuzu bildiririk”, - paylaşımda deyilir.