İsrail Hərbi Hava Qüvvələri Livanda “Hizbullah”ın 280-dən çox hədəfinə hücum edib.

OXU24.COM  xəbər verir ki, bu barədə ordunun mətbuat xidməti məlumat yayıb.

Livanda silah anbarları, atıcı qurğular, hərbi infrastruktur obyektləri və “Hizbullah”ın üzvləri hava hücumlarının hədəfində olub.

Qeyd edək ki, Livanın müvəqqəti səhiyyə naziri Firas Abyad İsrail Hərbi Hava Qüvvələrinin son 24 saat ərzində Livanın bir sıra bölgələrində əhalinin məskunlaşdığı ərazilərə endirdiyi zərbələr nəticəsində azı 51 nəfərin öldüyünü, 223 nəfərin yaralandığını bildirib.