Bakının Nizami rayonunda yerləşən yataqxanada baş vermiş yanğın nəticəsində zəhərlənən 1 nəfər 34 yaşlı kişi Kliniki Tibbi Mərkəzinin Toksikologiya Şöbəsinə yerləşdirilib.

Səhiyyə Nazirliyindən  verilən məlumata görə, əlavə bir kişiyə isə hadisə yerində yardım göstərilib.

Qeyd edək ki, bu gün səhər saatlarında Bakının Nizami rayonu, Babək prospektində məcburi köçkünlərin məskunlaşdığı yataqxanada yanğın olub. 7 nəfərə tibbi yardım göstərilib. Yanğın zamanı 45 yaşlı kişi qorxudan özünü 5-ci mərtəbədən ataraq xəsarət alıb. Qaçqın və Məcburi Köçkünlərin İşləri üzrə Dövlət Komitəsinin sədri Rövşən Rzayev yataqxanaya baş çəkərək sakinlərlə görüşüb.
Oxu24.com -un hadisə yerində  olan müxbirinin sözlərinə görə, bina sakinlərindən biri Qaçqınkomun sədrinə "gedək,baxaq,sən orada yaşaya bilərsənmi" deməsi sədri çıxılmaz vəziyyətə salıb. Həmin videokadrları təqdim edirik:



Oxu24.com