Cəfər Cabbarlı adına “Azərbaycanfilm” kinostudiyası direktor Nazim Hüseynov və onun müavini Aydın Hüseynovun tutduqları vəzifədən azad edilməsi ilə bağlı məlumata aydınlıq gətirib.

Oxu24.com xəbər verir ki, kinostudiyanın ictimaiyyətlə əlaqələr və marketinq şöbəsinin rəhbəri Ramil Ələkbərov Qaynarinfo-ya bildirib ki, direktor, Əməkdar mədəniyyət işçisi Nazim Hüseynov öz ərizəsi ilə tutduğu vəzifədən azad olunub:

“Direktordan əlavə olaraq kinostudiyanın rəhbər işçiləri də işdən çıxmaq haqqında ərizələrini təqdim ediblər. Direktor müavini, prodüser Emil Nəcəfov və aparat rəhbəri Aydın Hüseynovun istefa ərizləri təsdiqlənib. “Azərbaycafilm”ə kimin rəhbər təyin olunacağı ilə bağlı isə dəqiq məlumat yoxdur”.