Ərdoğandan HƏMAS-la bağlı AÇIQLAMA: "1000-dən çox üzvü Türkiyədə..."

Türkiyə Prezidenti Rəcəb Tayyib Ərdoğan Fələstinin HƏMAS qruplaşmasının 1000-dən çox üzvünün Türkiyədə müalicə olunduğunu açıqlayıb.

OXU24.COM xəbər verir ki, bu barədə DPA agentliyi yazır.

“Mənim ölkəmdə HƏMAS-ın 1000-dən çox üzvü hazırda xəstəxanalarımızda müalicə olunur”, - Ərdoğan Yunanıstanın baş naziri Kiriakos Mitsotakislə Ankarada keçirdiyi birgə mətbuat konfransında deyib.

Türkiyə lideri bir daha HƏMAS-ı “müqavimət təşkilatı” adlandırıb.

“Həmas öz ölkəsinin ərazisinin və xalqının müdafiəsi üçün mübarizə aparır”, - deyə Ərdoğan bildirib.

Mətbuat Türkiyə prezidentinin HƏMAS üzvlərinin harada yaralandığı və Türkiyəyə necə düşdüyü barədə əlavə məlumat vermədiyini yazır.