Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb
15 Noyabr 2026, 22:24
Qaynar xətt:
(+99450) 247 90 86
SİYASƏT
308
23.09.2026, 16:25
Ermənistanın daxili siyasi gündəmində Azərbaycanla sərhəd və ərazi məsələləri yenidən kəskin müzakirə mövzusuna çevrilib. Xüsusilə parlamentdəki müxalif “Ermənistan” fraksiyasının deputatı İşxan Saqatelyanın son açıqlamaları ölkə daxilində geniş maraq doğurub. Saqatelyan hökumətin Tavuş istiqamətində, Kərki kəndinə qədər olan bəzi əraziləri Azərbaycana təhvil verməyə hazırlaşdığını iddia edib. Deputat konkret hansı ərazilərin nəzərdə tutulduğunu açıqlamasa da, bu bəyanatın əsasən Yuxarı Əskipara, Barxudarlı və Sofulu kəndləri ilə bağlı olduğu ehtimal edilir.
Sözügedən ərazilərin qaytarılması ehtimalı rəsmi İrəvanın sərhəd siyasətində hansı addımlara hazırlaşdığı sualını aktuallaşdırır. Ekspertlər bu prosesin regiondakı sülh quruculuğu və sərhədlərin delimitasiyası kontekstində mühüm mərhələ olduğunu bildirirlər. Azərbaycan tərəfi isə işğal altındakı torpaqların geri qaytarılmasını haqlı tələb olaraq qətiyyətlə qarşılayır. Yaranmış bu həssas siyasi fonda proseslərin hansı istiqamətdə inkişaf edəcəyi ictimaiyyət tərəfindən diqqətlə izlənilir.
Mövzu ilə bağlı Oxu24.com-a açıqlama verən siyasi şərhçi Turan Rzayev erməni tərəfinin mövqeyini və prosesin pərdəarxası məqamlarını dəyərləndirib.
Azərbaycanla Ermənistan arasında anklav və eksklav məsələlərinin həllinin gözlənilən proseslərdən biri olduğunu qeyd edən şərhçi bildirib ki, bunun təxminən 50 faizi Qazax istiqamətində işğal altında olan 4 kəndin qaytarılması ilə öz həllini tapdı.
Sonrakı mərhələdə Kərki və digər kəndlərlə bağlı məsələ ətrafında danışıqların rəsmən açıqlanmasa da müəyyən qeyri-müəyyənlik yaratdığı vurğulanıb:
“Tərəflərin bu məsələdən tamamilə imtina etdiyini düşünmək səhv olar, çünki əsas yanaşma tərzi tərəflərin daha təmkinli addımlar atmasından ibarətdir”.
Siyasi şərhçi qeyd edib ki, əgər bu prosesdə keçmiş rəhbərlər Robert Köçərən və Serj Sarkisyan olsaydı, diplomatik irəliləyiş əldə etmək çox çətin olardı, çünki onlar müharibə ritorikasına üstünlük verirdilər:
“Baş nazir Nikol Paşinyan məsələyə daha praqmatik yanaşır və hərbi ritorikadan yayınmağa çalışır. Paşinyan parlamentdə çıxış edərkən qondarma ifadələr deyil, məhz "Kərki" ifadəsini işlədir və ərazinin Azərbaycana məxsus olduğunu bildirir”.
Turan Rzayev vurğulayıb ki, Azərbaycan tərəfi mövcud torpaqların geri alınmasını haqlı olaraq tələb edir, lakin bunun sürətli yoxsa yekun həll prinsipləri ilə reallaşacağı zaman məsələsidir:
“Mərkəzi Asiya, o cümlədən Fərqanə vadisi təcrübəsində qarşılıqlı anklavların dəyişdirilməsi presedentləri mövcuddur, lakin bunun Azərbaycan-Ermənistan münasibətlərində necə tətbiq olunacağı hələ dəqiq bilinmir.
Hələlik bəlli olan odur ki, Paşinyan erməni cəmiyyətini bu reallıqlara razı olmağa çalışır və prosesin hansı vaxtda yekunlaşacağını zaman göstərəcək”.
Çimnaz Telmanqızı
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.