Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb
15 Noyabr 2026, 22:24
Qaynar xətt:
(+99450) 247 90 86
SİYASƏT
759
05.11.2025, 15:14
Azərbaycan Milli Elmlər Akademiyasının 80 illik yubileyi təkcə elmi qurumun tarixi mərhələsini deyil, dövlətin intellektual inkişaf strategiyasının yeni dövrünü də simvolizə etdi. Prezident İlham Əliyevin yubiley mərasimindəki çıxışı bir bayram təbrikindən daha çox, Azərbaycan elminin gələcək fəlsəfəsini və inkişaf kursunu müəyyənləşdirən strateji konsepsiya kimi səsləndi. O, bu çıxışı ilə göstərdi ki, müasir dövrdə dövlətin gücü yalnız iqtisadi və hərbi resurslarla deyil, bilik, texnologiya və milli dəyərlərin sintezi ilə ölçülür.
Oxu24.com-un əməkdaşı mövzu ilə əlaqədar Politoloq Turan Rzayev ilə həmsöhbət olub.
– Turan bəy, Prezident İlham Əliyevin AMEA-nın 80 illik yubileyində səsləndirdiyi “tükənməz sərvət intellektual potensialdır” fikri elmin dövlət siyasətində hansı yeni strateji mərhələnin başlanğıcını ifadə edir və bu konsepsiya Azərbaycanın texnoloji müstəqilliyinə necə təsir göstərə bilər?
– Prezident İlham Əliyevin bu, fikri Azərbaycanın gələcək inkişaf istiqamətlərini müəyyən edən intellektual və texnoloji müstəqillik mərhələsindən xəbər verir. Dövlət başçısı aydın şəkildə göstərdi ki, ölkənin gücü artıq təbii sərvətlərin həcmi ilə deyil, vətəndaşlarının elmi potensialı və yaradıcılıq qabiliyyəti ilə ölçülməlidir. Bu yanaşma, iqtisadi modelin neftdən bilik və texnologiyaya əsaslanan yeni strukturuna keçidi nəzərdə tutur.
Prezidentin çıxışında vurğulanan ideyalar süni intellekt, rəqəmsal iqtisadiyyat və innovasiya sahələrinin inkişafına yönəlmiş dövlət siyasətinin davamı kimi qiymətləndirilə bilər. Bu konsepsiya həm də, Azərbaycanın qlobal rəqabət mühitində texnoloji suverenliyini təmin etmək, milli resurslardan daha səmərəli istifadə etmək və insan kapitalını strateji resursa çevirmək məqsədi daşıyır. Başqa sözlə, Prezidentin mesajı yalnız elmi deyil, həm də, siyasi və iqtisadi transformasiyanın istiqamətini müəyyənləşdirir.
– Dövlət başçısının çıxışında elmlə iqtisadiyyat, texnologiya və milli kimlik arasında əlaqələrin vurğulanması fonunda, Azərbaycan elminin bu istiqamətdə qarşısında duran əsas prioritetlər və məsuliyyətlər nələrdir?
– Prezidentin nitqi göstərdi ki, Azərbaycan elmi qarşısında duran əsas vəzifə yalnız bilik toplamaq deyil, bu, bilikləri real iqtisadi və sosial nəticələrə çevirməkdir. Elmlə sənaye arasında körpü qurmaq, innovativ texnologiyaları istehsalat və kənd təsərrüfatına tətbiq etmək, rəqəmsallaşma prosesini elmi əsaslarla idarə etmək artıq strateji zərurətə çevrilib.
Bununla yanaşı, dövlət başçısının vurğuladığı kimi, elmin milli kimliyin qorunması və tarixi yaddaşın müdafiəsində də rolu artmaqdadır. Qərbi Azərbaycanla bağlı tarixi faktların elmi əsaslarla tədqiqi, Ermənistanın saxtalaşdırma cəhdlərinə qarşı elmi arqumentlərlə cavab verilməsi və Azərbaycan dilinin saflığının qorunması elmi mühitin prioritet istiqamətləri sırasında olmalıdır.
Beləliklə, Prezident İlham Əliyevin AMEA-nın 80 illiyində səsləndirdiyi fikirlər Azərbaycan elminin missiyasını yenidən müəyyənləşdirdi. Elm artıq təkcə bilik sahəsi deyil, milli gücün, kimliyin və gələcəyin ideoloji dayağıdır.
Pərvin Şakirqızı
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.