Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb
15 Noyabr 2026, 22:24
Qaynar xətt:
(+99450) 247 90 86
SİYASƏT
980
05.11.2025, 10:31
“Ermənistan reallığı qəbul edib, Rusiya təsirini itirir” – politoloq Samir Hümbətov Cənubi Qafqazdakı yeni güc nizamından danışır.
Cənubi Qafqazda postmüharibə dövrünün reallıqları artıq Ermənistanın siyasi gündəmini dəyişdirib. Qarabağın itirilməsi ilə “Qarabağsız Ermənistan” anlayışı yalnız bir siyasi tezis deyil, həm də dövlətin gələcək istiqamətini müəyyən edən faktora çevrilib. Bu fonda Rusiyanın bölgədəki təsir imkanlarının azalması və Zəngəzur dəhlizinin regional sistemdə yeni strateji xətt kimi formalaşması diqqət mərkəzindədir.
Politoloq Samir Hümbətov Oxu24.com-a müsahibəsində bu proseslərin Ermənistan siyasətinə, regional təhlükəsizliyə və yeni geosiyasi düzənə təsirini şərh edib.
Politoloq Samir Hümbətov
– Ermənistanın “Qarabağsız” reallığı artıq danılmaz faktdır. Bu yeni mərhələ ölkənin siyasi davranışına və Moskva ilə münasibətlərinə hansı məntiqli istiqamət verə bilər?
– “Qarabağsız Ermənistan” konsepsiyasını artıq Ermənistan siyasi dairələri qəbul ediblər. Hər nə qədər müxalifətdəki revansist qüvvələr qəbul etməsə də, bunu artıq Ermənistan siyasi hakimiyyəti qəbul edib və real Ermənistanın hansı sərhədlər çərçivəsində olacağını da bilirlər. Amma məsələ burasındadır ki, nə qədər mövcud hökumət bilsə də, Rusiyanın təsiri altında olan qüvvələrin bu məsələdə bir qədər fərqli yanaşmaları var.
Rusiya əslində yaranmış yeni status-kvonu qəbul etmək istəmir. Çünki bu vəziyyət onun bölgədə təsir imkanlarını aşağı salmaqdadır. Ermənistan isə başa düşür ki, müstəqil siyasi qərar vermək üçün əvvəlki kimi Moskvanın orbitində qalmaq real deyil. Bu isə “real Ermənistan” anlayışının formalaşmasına gətirib çıxarır.
– Gələcək sülh sazişi, Zəngəzur dəhlizi və Rusiyanın hərbi bazalarının taleyi Cənubi Qafqazda təhlükəsizlik balansını necə müəyyən edə bilər?
– Rusiyanın hərbi bazalarından çıxarılma prosesi də əslində buradan başlayır. Çünki, Rusiya yaxın gələcəkdə Azərbaycan-Ermənistan arasında sülh müqaviləsi imzalanacaqsa,mövqeyini itirmiş ola bilər. Bilirsiniz ki, paraflanma artıq tamamlanıb. Yekun işlər, referendum və s. məsələlər qalıb. Belə olan halda artıq Rusiyanın Ermənistanda, Gümrüdə yerləşən hərbi bazalardan çıxarılması ehtimalı da var.
Zəngəzur dəhlizi isə Cənubi Qafqazın istər siyasi, iqtisadi, istərsə də hərbi təhlükəsizlik arxitekturasının təməl prinsiplərindən birini təşkil edir. Bu yaxın gələcəkdə yeni dünya nizamında Zəngəzur dəhlizinin region üçün nə qədər önəm kəsb etdiyini də göstərir. Düşünürəm ki, bu da artıq Ermənistanı Azərbaycanla əməkdaşlığa məcbur edir. Əks halda, yeni qurulan dünya siyasi nizamında, Zəngəzur dəhlizi nə qədər açıq olsa belə, beynəlxalq siyasi proseslər Ermənistanı çətin vəziyyətə sala bilər. Azərbaycansız bu prosesi aparmaq mümkün deyil.
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.