Hökumət üzvləri parlamentdədir
16 Noyabr 2026, 11:27
Qaynar xətt:
(+99450) 247 90 86
SİYASƏT
658
22.10.2025, 17:06
Prezident İlham Əliyevin Qazaxıstana səfəri bir çox baxımdan diqqət çəkdi.
Burada əsas məqam dövlət başçısının Qazaxıstanda xüsusi hörmət və ehtiramla qarşılanmasıdır. Səfərin rəsmi və qeyri-rəsmi məqamlarında Qazaxıstan tərəfinin nümayiş etdirdiyi diqqət əslində, regionda Azərbaycanın mövqeyinin hansı mərhələyə çatdığını göstərən əlamətdar siqnallar idi.
Oxu24.com xəbər verir ki, Məsələ təkcə rəsmi protokol çərçivəsi ilə yekunlaşmır. Beynəlxalq hava limanında fəxri qarovulun düzülməsi və Qazaxıstan Prezidenti Qasım-Jomart Tokayevin Azərbaycan liderini şəxsən qarşılaması sadəcə diplomatik nəzakət deyil, eyni zamanda tərəfdaşlıq münasibətlərinin səmimiliyini göstərən mühüm detallardır.
Tokayevin Azərbaycan Prezidentinə qazax milli geyimi təqdim etməsi isə mədəni diplomatiyanın bir parçası kimi qəbul olunmalıdır. Bu addım rəsmi münasibətlərdən kənara çıxaraq, xalqlar arasında mənəvi bağların gücləndirilməsinə yönəlmiş jest kimi şərh edilə bilər. Geyim kimi simvolik bir hədiyyə vasitəsilə edilən hörmət, əslində, İlham Əliyevin Qazaxıstan tərəfindən təkcə siyasi lider deyil, həm də dost ölkənin nümayəndəsi kimi qəbul edildiyini göstərir.
Səfər zamanı ifa olunan musiqi parçaları da digər mühüm detal idi. “Tut ağacı” və xüsusilə Ümummilli Lider Heydər Əliyevin sevdiyi “Alagöz” mahnısının səsləndirilməsi, Azərbaycan siyasi tarixinin və lider ənənəsinin Qazaxıstanda necə yüksək səviyyədə dəyərləndirildiyini nümayiş etdirir. Burada bir tərəfdən İlham Əliyevə şəxsən hörmət göstərilir, digər tərəfdən isə Heydər Əliyev irsinə ehtiram ifadə edilir. Bu isə münasibətlərin təkcə indiki dövrə deyil, köklərə əsaslandığına işarədir.
Qazaxıstanın göstərdiyi bu ehtiramın arxasında, şübhəsiz, geosiyasi reallıqlar da dayanır. Yeri gəlmişkən, səfərin Qazaxıstan və Azərbaycan arasında strateji tərəfdaşlıq və müttəfiqlik haqqında müqavilənin 20 illiyinə təsadüf etməsi də xüsusi bir məqam idi. Bu zamanlamanın özü diplomatik olaraq iki ölkənin əlaqələrinin sabit və planlı inkişafının simvolikasıdır. Birgə mətbuat konfransında da bu aktın dəfələrlə vurğulanması onun nə qədər mühüm qəbul edildiyini göstərir.
Bundan əlavə, Prezident Əliyevin səfəri Azərbaycan-Ermənistan münasibətlərində yeni mərhələnin başlandığı bir dövrə təsadüf edir. Əliyev Ermənistanla əldə olunan razılaşmaları artıq real addımlarla təqdim edir. Məsələn, Qazaxıstandan Ermənistana gedən taxıl yükünün Azərbaycanın ərazisindən tranzitlə keçməsinə icazə verilməsi praktik sülhün göstəricisidir. Bu, həm də ölkəmizin bölgədə etibarlı oyunçu və regional əməkdaşlıq təşəbbüskarlarından biri olduğunu göstərir.
Tokayev və Əliyevin bəyanatlarında iqtisadi əməkdaşlıq məsələləri geniş yer tutdu. Burada sadəcə ticarət dövriyyəsinin artırılması yox, iqtisadi əlaqələrin yeni keyfiyyət mərhələsinə keçməsi də ön plana çıxır. Gəmiqayırmadan tutmuş transformatorların birgə istehsalına, konteyner hablarının inkişafından tutmuş Trans-Xəzər dəhlizinə qədər konkret layihələrin qeyd olunması, əməkdaşlığın nə qədər planlı və strukturlaşdırılmış olduğunu sübut edir.
Xüsusilə Trans-Xəzər Nəqliyyat Marşrutu və onun inkişaf perspektivləri Qazaxıstan və Azərbaycanın geoiqtisadi strateji əhəmiyyətini daha da artırır. Burada diqqətçəkən cəhət liderlərin infrastruktur problemlərini sinxron şəkildə aradan qaldırmaq üçün koordinasiyalı fəaliyyətə verdikləri önəmdir. Bu isə iki ölkənin regional nəqliyyat arteriyalarında yalnız iştirakçı yox, istiqamətverici aktor olmaq istəklərinin sübutudur.
Tokayevin Qazaxıstan neftinin Bakı-Tbilisi-Ceyhan marşrutu ilə nəqlindən razılıqla danışması və bu həcmlərin artırılacağına dair mesaj verməsi, həm energetik sinxronluğun, həm də Azərbaycanın infrastruktur imkanlarına inamın göstəricisidir. Digər tərəfdən, dərin sualtı elektrik kabeli layihəsi və Xəzər dənizinin dibindən keçəcək fiber-optik rabitə xətləri kimi texnoloji təşəbbüslər, əməkdaşlığın ənənəvi sahələrdən kənara çıxaraq rəqəmsal və yaşıl iqtisadiyyatla bağlı sektorlara da yayılmağa başladığını göstərir.
Fikrimcə, Prezident İlham Əliyevin Qazaxıstana səfəri, təkcə rəsmi bir hadisə deyil, Türk dünyasında yeni mərhələyə qədəm qoyan tərəfdaşlığın real göstəricisidir.
Müəllif: Politoloq Turan Rzayev
11:40 / 16 Noyabr 2026
7
11:33 / 16 Noyabr 2026
29
11:27 / 16 Noyabr 2026
39
11:26 / 16 Noyabr 2026
49
11:20 / 16 Noyabr 2026
47
11:11 / 16 Noyabr 2026
55
11:06 / 16 Noyabr 2026
53
11:01 / 16 Noyabr 2026
55
10:57 / 16 Noyabr 2026
83
10:46 / 16 Noyabr 2026
60
10:41 / 16 Noyabr 2026
98
10:40 / 16 Noyabr 2026
97
10:37 / 16 Noyabr 2026
77
10:23 / 16 Noyabr 2026
86
10:04 / 16 Noyabr 2026
71
09:57 / 16 Noyabr 2026
110
09:47 / 16 Noyabr 2026
111
09:32 / 16 Noyabr 2026
82
08:54 / 16 Noyabr 2026
119
08:45 / 16 Noyabr 2026
120
08:42 / 16 Noyabr 2026
496
08:32 / 16 Noyabr 2026
116
08:21 / 16 Noyabr 2026
126
© 2026 Oxu24.com Müəllif hüquqları qorunur.