Dövlət Tibbi-Sosial Ekspertiza və Reabilitasiya Agentliyi məhkəməyə verildi — DETALLAR  

Son günlər  Səfərbərlik və Hərbi Xidmətə Çağırış üzrə Dövlət Xidmətinin əməkdaşları  qanunsuz əməlləri ilə medianın gündəmindədir.Qurumda bir neçə şəxsin həbs edilməsi ciddi nöqsanların olmasından xəbər verir.Həmçinin  Dövlət Tibbi-Sosial Ekspertiza və Reabilitasiya Agentliyi də son günlər ziddiyyətli qərarları ilə müzakirə mövzusudur.Sosial şəbəkələrdə yayılan məlumata görə,ayağında 5 barmaq əvəzinə 3 barmaq olan 25 yaşlı Fəzail Amil oğlu Abbasquliyev yararlı kimi hərbi xidmətə qəbul edilib. Qurum isə rəsmi açıqlamasında vətəndaşın bu vəziyyətdə sağlam kimi qəbul edildiyini qeyd edir.

Sözügedən qurumdan daha bir şikayətçi Nihat Novruz oğlu Aslanovdur.

Səfərbərlik və Hərbi Xidmətə Çağırış üzrə Dövlət Xidməti və tibb mərkəzləri “yararsız” desə də, Dövlət Tibbi-Sosial Ekspertiza və Reabilitasiya Agentliyinin  həkim komissiyası vətəndaşın sağlam olmasını deyir.

Oxu24.com-un redaksiyasına müraciət edən Nihat Novruz oğlu Aslanov hərbi xidmətə çağırış prosesində üzləşdiyi yanaşmalardan  və Dövlət Tibbi-Sosial Ekspertiza və Reabilitasiya Agentliyinin tibbi  qərarından şikayətçidir.

N.Aslanovun sözlərinə görə, universiteti bitirdikdən sonra  Səfərbərlik Xidmətinin Rayon Şöbəsinə müraciət edib və könüllü xidmət etmək istəyini bildirib. Lakin 2022-ci ildə keçirdiyi ağır əməliyyat nəticəsində sağ biləyinə yerləşdirilən daimi mil ciddi problem yaradıb.

“Nizami Tibb Mərkəzi, Travmatologiya İnstitutu və hərbi komissarlığın (Red- Səfərbərlik Xidmətinin) öz həkimləri qolumdakı milə və funksiya pozuntusuna  görə məni hərbi xidmətə yararsız hesab ediblər. Əməliyyat edən həkimim Zahid Cəfərovun diaqnozuna görə, mən 5 kiloqramdan artıq yük qaldıra bilmərəm, soyuq havada qolum sızıldayır və barmaqlarımın hərəkəti məhduddur. Əlim silah tutacaq vəziyyətdə deyil”,-deyə çağırışı Nihat Aslanlı bildirib.

N.Aslanov   Dövlət Tibbi-Sosial Ekspertiza və Reabilitasiya Agentliyinin  həkim komissiyasının qərarından  narazı qaldığından məhkəməyə müraciət edib.

"Mənim sağlamlığım hərbi xidmət keçməyə imkan vermir. Dövlət Tibbi-Sosial Ekspertiza və Reabilitasiya Agentliyinin verdiyi qərarla razı deyiləm.Məhkəməyə müraciət emtişəm.Aprelin 30-da  Bakı İnzibati Məhkəməsində, hakim Bəhlul Cəlalovun sədrliyi ilə ilk proses baş tutacaq.Mən təkrar ekspertizanın keçirilməsini və verilmiş tibbi arayışın ləğv edilməsini tələb edirəm",-deyə N.Aslanov  bildirib.

Miri Məcidli

Həmçinin oxuyun

20 sentyabrda bizi nələr gözləyir?  — Ulduz falı

Pensiya və maaşlar artırılır – Ciddi dəyişiklik olacaq 

Ata evini oğluna verəndə ananın razılığı lazımdır? AÇIQLAMA  

Dənizdə faciə:Axtarışlar başladı