"Dedilər,sağalmısan,sənə pensiya düşmür" — Vətəndaş qurumlardan ya pensiyasını,ya da sağlamlıq arayışını tələb edir

$\"Dedilər,sağalmısan,sənə pensiya düşmür\" — Vətəndaş qurumlardan ya pensiyasını,ya da sağlamlıq arayışını tələb edir$

ŞİKAYƏTLƏR

5911

10.11.2025, 10:08

Hərbidə sağlamlığını itirsə də,pensiyasını ala bilmir.

Bu barədə Oxu24.com-a müraciət edən Şirxan Vaqif oğlu Mahmudov bildirib.

Qazax rayonu,Dəmirçilər kənd sakini olan şikayətçi bildirib ki,hərbi xidmət zamanı onda əlillik yaranıb.Bu səbəbdən də ona II qrup olmaqla 5 illik əlillik pensiyası təyin olunub.5 il aldıqdan sonra pensiyası heç bir əsas göstərilmədən kəsilib.

“2012-ci ilin iyul ayında hərbi xidmətə getdim.2014-cü ilin yanvar ayında xidməti başa vurub,könüllü olaraq hərbidə qaldım.Həmin ilin may ayının 31-də xidmətdə olduğum müddətdə səhhətimdə qəfil problem yarandı.Müayinələr zamanı mənə "onikibarmaq bağırsağın perforativ xorası diqnozu" qoyuldu və əməliyyat olundum.Hərbi Həkim Komissiyasının rəyi əsasında mənə 5 il müddətinə pensiya təyin edildi.2020-ci ildən etibarən pensiyam kəsildi.Mənə həkimlər bildirdilər ki,sən sağalmısan,daha pensiya ala bilməzsən.Mən bu cavabla razılaşmasam da,komissiyada şikayətimə baxan olmadı.Bu gün həmin diqnozu mənə qoyan həkimlərdən sağlamlıq haqqında arayış tələb edirəm.Əgər,sağlamamsa,arayış versinlər və yenidən hərbiyə qayıdım.Bu,arayışı da mənə verən yoxdur.Çünki sağlam deyiləm.Dəfələrlə Əmək və Əhalinin Sosial Müdafiə Nazirliyinə müraciət etsəm də,baxan olmadı.Bəhanə ediridlər ki,müharibədən sonrakı dönəmdir.Qazi,pensiya alan çoxdur.İndi yenidən bununla bağlı müraciət edirəm və haqqımı tələb edirəm”,-deyə şikayətçi bildirib.

Oxu24.com vətəndaşın şikayəti ilə bağlı aidiyyatı qurumlara sorğu ünvanlayıb.