“İncə səhər”in yarımçıq dayandırılması ilə bağlı Xəzər TV-dən - Açıqlama

OXU24 TV

724

27.11.2025, 15:31

Xəzər TV bu gün efirə gedən “İncə səhər” verilişinin yarımçıq dayandırılması ilə bağlı açıqlama yayıb.

Oxu24.com xəbər verir ki, açıqlamada bu gün saat 10:38-də aparıcısı Vüsalə Əlizadənin olduğu “İncə Səhər” verilişinin yayımı zamanı texniki problem yarandığı bildirilib.

Qeyd olunub ki, sözügedən verilişin bu həftə efirə getmiş bütün buraxılışları öncədən çəkilib: “Verilişin bugünkü buraxılışı da əvvəlki günlərdə çəkilib, anonsu uğurla yayımlanıb və həmin mərhələdə heç bir nasazlıq qeydə alınmayıb. Bu gün yayımlanacaq buraxılış 2 fayldan ibarət idi. 1-ci fayl heç bir problem olmadan efirə verilib. Reklam buraxılışına ayrılıb və 2-ci faylın yayımlanması zamanı texniki problem yaranıb.

Fayl “playout” sistemi tərəfindən oxunmadığı üçün efirə çıxmayıb. Tətbiqi proqram təminatında kritik xəta baş verib, bu isə əsas efir serverində cihazsəviyyəli nasazlıq yaradıb, nəticədə də verilişin tam yayımı mümkün olmayıb”.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Xəzər TV tərəfindən yaranmış narahatlığı anlayışla qarşıladıqları və efiri diqqətlə izlədikləri üçün izləyicilərə minnətdarlıq edilib.

Qeyd edək ki, proqram həftəiçi hər gün saat 10:00-dan 12:30-dək davam edir. Lakin veriliş bu gün saat 11:40-da reklama ayrılsa da, sonradan davam etməyib. Proqramın qonaqları tanınmış müğənnilər - Almaxanım Əhmədli, Pərviz Abdullayev və Namiq Qasımov olub.