"Qılınc və Qələm" romanının ilk redaktoru o olub - TARİXİ FAKT

Oxu24.com tarixi şəxsiyyətlərlə bağlı maraqlı faktları təqdim etməkdə davam edir.

Pəri Həsənova 1908-ci ilin aprel ayında Bakıda doğulub.

Atası Əbdül Hüseyn tacir idi, 1903-cü ildə Şuşadan Bakıya köçüb.

Qardaşı həbs olunandan sonra təqiblərə məruz qalıb.

Pəri Həsənova 1926-ci ildə Bakı Qızlar məktəbini, 1930-cu ildə isə Azərbaycan Dövlət Universitetinin Şərqşünaslıq fakültəsinin dilçilik şöbəsini bitirir.

Dövrün məşhur müəllimləri- professor S.Vasilyev, professor Bəkir Çobanzadə, professor A.Baqri, şərqşünas professor P. Juzedən dərs alır.Pəri Həsənova 1931-ci ildə İskəndər Əliyev ilə ailə həyatı qurur.

Evlilikdən bir qədər sonra Əliyeva familiyasını qəbul edir. Həyat yoldaşı İskəndər Əliyev Azərbaycan SSR xalq təsərrüfatında yüksək vəzifələrdə işləyib Buna görə də onunla ailə həyatı qurandan sonra Pəri Əliyeva və onun yaxınları sovet rejiminin təqiblərdən qurtara bilmişdilər.

Həmçinin oxuyun

Xəzər dənizi ilə bağlı ekoloqdan ŞOK XƏBƏRDARLIQ! Dəniz "yoxa çıxa" bilər?

Təhlükəsizlik İdarəsinə yeni rəis GƏTİRİLDİ    - FOTO

"Bəxt üzüyü" filmi  35 YAŞINDA: “Qoymayın ayə, üstümə İrasim gəlir..."  - Bir filmin TARİXÇƏSİ

Bakıya qar yağacağı tarix AÇIQLANDI 

1931-ci ildə Az.DETİ-nin Dil və Ədəbiyyat bölməsinin aspiranturasına qəbul olunur.

1930-cu illərdə Gülarə Qədirbəyova ilə birlikdə Bakıda nəşr olunan "Şərq Qadını" jurnalında çalışır,  jurnalın məsul katibi olur.M.S. Ordubadinin məşhur "Qılınc və Qələm" romanının ilk redaktoru idi.

1938-ci ildə əri İskəndər Əliyev "xalq düşməni" elan edilərək həbs olunur, 1941-ci ildə isə Qazaxıstana sürgün edilir.Həyat yoldaşının həbsi ilə əlaqədar olaraq Pəri Əliyeva 1938-ci ildə "Şərq Qadını" jurnalında tutduğu vəzifədən kənarlaşdırılır.

Bir müddət Azərbaycan Dövlət Teatr Muzeyində müxtəlif vəzifələrdə çalışır, 1941-ci ildə qısa müddət ərzində həmin teatrın müdiri vəzifəsini icra edir.1942-ci ildə təqiblərdən qorunmaq üçün Bərdə rayonuna köçməyə məcbur olur, Bərdə şəhər orta məktəbində rus dili və ədəbiyyatı müəllimi işləyir.

1953-cü ildə Bakıya qayıdır və burada 51 saylı axşam orta məktəbində (indiki 189/190 №-li məktəbin binasında yerləşirdi) rus dili və ədəbiyyatı fənnindən dərs deyir.

1956-ci ildə həyat yoldaşı İskəndər Əliyevin bəraət alıb Bakıya qayıtmasından sonra təqaüdə çıxır və ictimai fəaliyyətlə məşğul olmur.

Pəri Əliyeva 1952-ci ilin noyabrında Bakıda vəfat edib...

Hazırladı: Namiq Həsənov