Vəkillə həkimin intim qalmaqalı   —   Əxlaqsız təklif edilib?

“Hüquqlarımı qorumalı olan vəkil məni intihar həddinə çatdırıb. Özünün yarıçılpaq, qeyri-etik fotolarını göndərir, əxlaqsız təkliflər edir”.

Oxu24.com  xəbər verir  ki,bu iddia ilə “Qafqazinfo”ya ixtisasca həkim olan L.Abdullayeva müraciət edib. Bakıda yaşayan şikayətçi bir müddət əvvəl dələduzluq faktı ilə üzləşdiyini və müdafiə məqsədilə vəkil Raul Ramazanovla müqavilə bağladığını deyir.

Qadının sözlərinə görə, aralarında yalnız rəsmi və məsafəli münasibət olsa da, bir müddətdən sonra vəkil tərəfindən telefonuna əxlaqsız təkliflər və qeyri-etik şəkillər göndərilib. Şikayətçi deyir ki, dəfələrlə bu barədə vəkilə xəbərdarlıq edib müqaviləni dayandıracağını desə də, vəkil onu hədələməkdən əl çəkməyib: “Ötən il iyun ayının əvvəlində vəkil Raul Ramazanovla üz-üzə görüşdük və 12 nömrəli vəkil bürosunda müqavilə bağladıq. Mən ona etibarnamə verdim ki, məhkəmədə hüquqlarımı müdafiə etsin. Bir neçə ay sonra mənə əxlaqsız təkliflər etməyə başladı. Razılaşmayanda isə istintaq prosesində mənim hüquqlarımı lazımi şəkildə qorumayacağını, işimi buracağını dedi. Mən əminəm ki, bunu da edər. 

Bu qeyri-etik mesajlar, əxlaqsız təklifləri bir qadın olaraq şərəf və ləyaqətimə toxunub. Bu günə kimi Raul bəy daxil, hər kəslə rəsmiyyəti qorumuşam və buna diqqət etmişəm. Əsla belə davranışlara layiq biri deyiləm. Məcbur qalıb müqaviləni pozacağımı, yeni vəkillə müqavilə bağlayacağımı dedim. Çünki artıq onunla işləyə, göndərdiyi qeyri-etik, yarıçılpaq şəkillərini qəbul edə bilmirdim...”

Həmçinin oxuyun

"İmtahanda ixtisaslarına uyğun olmayan suallar verilir" - ŞİKAYƏT 

AMEA açıqlama yaydı, İsa Həbibbəylini rüsvay etdi 

Bank aliment pulunu kredit borcuna görə tuta bilərmi? – Hüquqşünas açıqladı  

Tərxis olunan hərbi qulluqçular üçün MÜHÜM XƏBƏR: Müddət uzadıldı  —  RƏSMİ

Şikayətçi vəkilin ona göndərdiyini bildirdiyi fotoları da redaksiyamıza təqdim edib, lakin şəkillərin qeyri-etik olduğunu nəzərə alaraq yayımlamırıq. L.Abdullayeva problemlə bağlı aidiyyəti dövlət orqanlarına, eyni zamanda Vəkillər Kollegiyasına müraciət etdiyini əlavə edib. 

İttihamlarda adı hallanan vəkil Raul Ramazanovla əlaqə saxlasaq da, o, söylənilənlərin həqiqətə uyğun olmadığını bildirərək telefonu söndürdü: “Yalandır, şər-böhtandır...”

Məsələ ilə əlaqədar Vəkillər Kollegiyasına da sorğu ünvanlanıb.

Qeyd edək ki, Vəkillər Kollegiyasının üzvü olan R.Ramazanov 8 ildir ki, vəkil olaraq fəaliyyət göstərir. O, hazırda 12 saylı Vəkil Bürosunda çalışır.