Bakıda şok!Vəzifəli qadın öldürüldü - FOTO

news/2025_11_14/1608308542_tecili_1763116187.jpg

KRİMİNAL

1611

14.11.2025, 14:27

Bakıda ərinin baltalayaraq öldürdüyü Nərminə Bədəlova vəzifəli şəxs imiş.

Oxu24.com xəbər verir ki,“Yeni Sabah”ın əldə etdiyi xəbərə görə, o, bir sıra qurumlarda işləyib.

N.Bədəlova bir müddət Şuşa Şəhər İcra Hakimiyyətinin baş mühasibi vəzifəsində çalışıb. Daha sonra Dağlıq Qarabağın Azərbaycanlı İcması İctimai Birliyində də eyni vəzifəni tutub. İcma ləğv edildikdən sonra “Qarabağa Dönüş” İctimai Birliyinin baş mühasibi kimi fəaliyyət göstərib.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

N.Bədəlova əslən Şuşalıdır. Tanıyanlar onu çox mədəni, işgüzar, işində məsuliyyətli və mehriban insan kimi xarakterizə edirlər: “O qadın belə bir ölümə layiq deyildi. Özümüzə gələ bilmirik”.

N.Bədəlovanın həyat yoldaşı Yaşar Bədəlov uzun illər Rusiyada işləyib, bir neçə il əvvəl Azərbaycana qayıdıb. Burada şirkətlərdən birində mühafizəçi işləyirmiş.

Hadisənin motivinə gəlincə, iddialara görə, Yaşar Bədəlov yaşadıqları mənzili qardaşına bağışlamaq istəyirmiş. Nərminə Bədəlova isə bununla razı deyilmiş. Bir müddət əvvəl boşanan cütlüyün arasında sonuncu mübahisə də bunun üstündə olub.

Qeyd edək ki, hadisə noyabrın 10-da paytaxtın Binəqədi rayonunun Biləcəri qəsəbəsində baş verib. 1956-ci il təvəllüdlü Yaşar Bədəlov yaşadığı mənzildə ailə münaqişəsi zəminində həyat yoldaşı, 1965-ci ildə anadan olmuş Nərminə Bədəlovanı balta ilə qətlə yetirib. O, daha sonra özünü asaraq intihar edib.