60 yaşlı kişi əməliyyatdan sonra ölüb

Lənkəran sakini əməliyyatdan sonra ölüb.

APA-nın  verdiyi xəbərə görə, oktyabrın 28-də Lənkəran rayon mərkəzi xəstəxanasına qarında yırtıq səbəbi ilə daxil olan Lənkəran şəhər sakini 1965-ci il təvəllüdlü Şiyavuş Rzayev əməliyyat olunub, daha sonra ölüb.

Həyat yoldaşı Azadə Rzayevanın sözlərinə görə, S. Rzayev elə həmən gün əməliyyat olunub, əməliyyatdan sonra özünü pis hiss edib: "Ölümə səbəb həkim səhlənkarlığı olub. Öyrəndik ki, əməliyyat edən İshaq həkim yoldaşımın bağırsağını deşib və buna görə onun qarnı şişib, zəhərlənmə verib. Sağ olsunlar, xəstəxananın o biri həkimləri, əllərindən gələni etdilər və 2 gün bundan əvvəl yoldaşımı yenidən əməliyyata saldılar. Artıq gec olduğundan yoldaşımı xilas edə bilmədilər. Əməliyyatdan sonra İshaq doktoru xəstəxanada tapa bilmirik. Yoldaşımın ölümünə o səbəb olub".

Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.

Faktla bağlı araşdırma aparılır.

TƏBİB-dən isə APA-ya bildirilib ki, oktyabrın 29-da saat 02:15 radələrində qasıq nahiyyəsində kəskin ağrılar, şişkinlik, ürəkbulanma və qusma şikayətləri ilə 1965-ci il təvəllüdlü şəxs (kişi) Lənkəran Rayon Mərkəzi Xəstəxanasının Təcili yardım şöbəsinə daxil olub: “Ona sol tərəfli boğulmuş iri həcmli qasıq yırtığı diaqnozu təyin edilib, müvafiq tibbi müayinələrdən keçirildikdən sonra təcili qaydada hospitalizasiya olunaraq əməliyyat blokuna alınıb. Cərrahi müdaxilədən sonra pasiyentin vəziyyəti əməliyyata adekvat qiymətləndirilmiş və müsbət dinamika müşahidə edilib. Lakin niyabrın 1-də xəstənin vəziyyəti qəflətən pisləşdiyi üçün yenidən cərrahi əməliyyata alınmış və xəstəyə sol tərəfli hemikolektomiya, stomanın qoyulması proseduru icra edilib.

Əməliyyatdan sonra Reanimasiya şöbəsinə yerləşdirilən pasiyentin aparılan bütün reanimasiya tədbirlərlərinə və həkimlərin çoxsaylı səylərinə baxmayaraq noyabrın 4-də saat 07:30 radələrində bioloji ölüm faktı qeydə alınıb. Meyit məhkəmə-tibbi ekspertizası aparılması üçün müvafiq qaydada aidiyyəti üzrə təhvil verilib”.

Həmçinin oxuyun

Mayın sonu neçə gün evdəyik? -İş olmayacaq günlər  AÇIQLANDI

Sabahla bağlı vacib XƏBƏRDARLIQ

Maaşların ödəniş QAYDASI DƏYİŞİR - Artıq aylıq verilməyəcək 

Ramil Səfərov indi nə işlə məşğuldur? - yeni detallar