Ramiz Mehdiyevin həbs olunan köməkçisi ilə bağlı İLGİNC MƏLUMATLAR

news/2025_11_03/ramiz_saaaa_1762165209.jpg

KRİMİNAL

979

03.11.2025, 14:19

Xəbər verdiyimiz ki, Səbail Rayon Məhkəməsi AMEA Prezidenti katibliyinin keçmiş rəisi, Ramiz Mehdiyevin köməkçisi vəzifəsində çalışmış Eldar Əmirov barəsində 4 ay müddətinə həbs qətimkan tədbiri seçib.

Bakupost.az xəbər verir ki, bu, siyasi elmlər üzrə fəlsəfə doktoru olan Eldar Əmirovla bağlı ilk həbs qərarı deyil.

Belə ki, 2022-ci ildə Mehdiyev AMEA prezidentliyindən getdikdən bir gün sonra - fevralın 15-də də E.Əmirov Daxili İşlər Nazirliyinə daxil olmuş bir məlumatın araşdırılması məqsədilə Nazirliyin Baş Mütəşəkkil Cinayətkarlıqla Mübarizə İdarəsinin (“Bandotdel”) əməkdaşları tərəfindən saxlanılmışdı.

O zaman Yasamal rayon Məhkəməsi E.Əmirov barəsində 30 sutka həbs qərarı çıxarmışdı.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Onu da qeyd edək ki, E.Əmirov hələ Ramiz Mehdiyev Prezident Administrasiyasının rəhbəri olduğu vaxtlarda onun köməkçisi vəzifəsində işləyirdi. Daha sonra sabıq PA rəhbəri 2019-cu ildə AMEA prezidenti təyin olundu və köməkçisini də özü ilə apardı. E.Əmirov Mehdiyev AMEA rəhbərliyindən gedənədək, AMEA Prezidenti katibliyinin rəisi vəzifəsində çalışırdı. Hətta o zaman mətbuatda gedən xəbərlərdə Ramiz Mehdiyevin işə çıxmadığı günlədə Eldar Əmirovun AMEA-ya de-fakto rəhbərlik etdiyi, öz yaxın dostalarını akademiyada vəzifəyə təyin etditdiyi, eləcə də bir sıra qanunsuzluqlara yol verdiyi qeyd olunurdu.

Qeyd edək ki, onun Ramiz Mehdiyevin həyat yoldaşının qohumu olduğu bildirilirdi. Lakin sonradan AMEA-nın mətbuat xidməti bunu təkzib etdi. Bildirildi ki Eldar Əmirovun əslən qarabağlıdır, Ağdam şəhərindəndir.