Tələbələrə işlə bağlı VACİB XƏBƏR: Bu qaydada işləyə bilərlər

news/2025_11_25/telebe_is_1764063092.jpg

HÜQUQ

8209

25.11.2025, 13:29

Bir çox tələbələr maddi ehtiyaclarını qarşılamaq üçün işləmək məcburiyyətində qalırlar.İşləyən zaman tələbənin rəsmi işçi kimi qeydiyyata alınması gərəkdir.

Çünki son günlər bu sahəyə ciddi nəzarət mexanizmi var. Müqaviləsiz işçi saxlamaq da böyük məsuliyyət tələb edir.Cərimələr də kifayət qədərdir.

Bəs,qanun nə deyir? Sahibkar,yaxud istənilən fiziki,hüquqi şəxs tələbəni işçi kimi işə götürə bilərmi?Tələbə ilə əmək müqaviləsi necə bağlanmalıdır?

Mövzu ilə bağlı Oxu24.com-a danışan vəkil Şəms Mirzəyeva bildirib ki,qanunda tələbələrin rəsmi əmək müqaviləsi ilə işləməsinə heç bir məhdudiyyət yoxdur. Amma,burada müəyyən məqamlar var. Onlar nələrdir?

Həmçinin oxuyun

SON DƏQİQƏ! Gültəkin Hacıbəylidən XƏBƏR VAR

Altı gün sulu qar, qar yağacaq - XƏBƏRDARLIQ

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Vəkilin sözlərinə görə,əyani təhsil alan tələbələr digər işçilər kimi maneəsiz olaraq əmək müqaviləsi bağlaya bilərlər.

"Azərbaycan Respublikası Əmək Məcəlləsinin 94-cü maddəsində norma müəyyən olunub.Həmin maddəyə əsasən,əmək müqaviləsi bağlanarkən,habelə əmək münasibətləri prosesində işçi ilə işəgötürənin qarşılıqlığı razılığı ilə natamam iş vaxtı,natamam iş günü,yaxud da natamam iş həftəsi müəyyən edilə bilər.Yəni,tələbə əyani təhsil alırsa,işəgötürənin də razılığı ilə natamam iş saatları və natamam iş günü müəyyən edilə bilər.Tələbə təhsil aldığı saatlarda deyil,digər boş saatlarda işləyə bilər.Əsas odur ki,iş saatı onun dərslərinə mane olmasın.Bu zaman tələbəyə ödənilən əmək haqqı da işə sərf etdiyi zamana uyğun olaraq ödənilir.Qeyd etdiklərimiz əyani təhsil alan tələbələrə aiddir.Qiyabi təhsil alan tələbələrin işləməsində heç bir məhdudiyyət yoxdur.Çünki onlar müəyyən vaxtlarda dərsə gedirlər.Bu səbəbdən də onların əmək müqaviləsi bağlaması daha rahatdır",-deyə vəkil bildirib.

Hazırladı: Miri Məcidli