"Şərurlu İsfəndiyar"ın vəkili yalan danışıb?   —   Onu hansı cəza gözləyir?

"Şərurlu İsfəndiyar"ın vəkili cəzalandırıla bilər? O,məhkəməyə yalan məlumat verib?

"Şərur MTK"nın sahibi İsfəndiyar Axundova qarşı xüsusi ittiham qaydasında şikayət üzrə məhkəmə prosesində maraqlı və təzadlı anlar yaşanıb.

Onun vəkili Ülvi Nəsibli deyib. müvəkkilinin səhhətində problem olduğunu,məhkəmə prosesi uzandığı üçün müalicə almağa görə İsfəndiyar Axundovun ölkə xaricinə gedə bilmədiyindən gileylənib.

Maraqlı və ziddiyyətli olan isə odur ki,İsfəndiyar Axundovun səhhətində problem olmasından özünün xəbəri yoxdur.Belə ki,prosesdən sonra səhhəti haqda məlumat almaq üçün iş adamı ilə əlaqə saxlayan “Qafqazinfo”ya İsfəndiyar Axundov deyib:

"Əşi,səhhətimdə problem yoxdur,yaxşıyam.Xaricə, zada getmək istəmirəm.Vəkilim nə deyibsə,onun özündən soruşun".

Müvəkkili barədə proses iştirakçılarına və hakimə həqiqəti əks etdirməyən məlumat verən vəkilləri  hər hansı cəza gözləyirmi?

Oxu24.com məsələnin hüquqi tərəfinə nəzər salıb.Məhkəməyə yalan məlumat verən vəkil hansı məsuliyyəti daşıyır?

Mövzu ilə  bağlı  Azərbaycan Vəkillər Kollegiyasının İntizam Komissiyasının üzvü,tanınmış vəkil Ruslan Vəliyev də münasibət bildirib.

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO 

Fotoda Ruslan Vəliyevdir.

"Azərbaycan Respublikası Vəkillər Kollegiyasının Rəyasət Heyətinin qərarı ilə təsdiq edilmiş Vəkillərin Etik Davranış Qaydaları Haqqında Əsasnaməyə görə vəkillər məhkəmələrlə,eləcə də hüquq-mühafizə orqanları ilə əməkdaşlıq zamanı dürst olmalıdırlar və yalan danışmamalıdırlar.

Həmin əsasnaməyə uyğun olaraq vəkillərin borcudur ki, müdafiə etdikləri şəxsin maraqlarına və mənafeyinə uyğun olaraq işin müsbət həlli məqsədi ilə(proses iştirakçılarından kiməsə çətinlik yaratmırsa,bu dəfələrlə baş vermirsə,başqa şəxslərin hüquqlarına və mənafelərinə toxunmursa)məhkəmələrin və hüquq-mühafizə orqanlarının iş fəaliyyətinə mənfi təsir etmirsə,vəkil məhkəmənin təxirə salınmasına dair vəsatətlə çıxış edə bilər.Bu halda işin təxirə salınması qanunazidd deyil.Hər halda məhkəməyə yalan danışmaq,həqiqəti əks etdirməyən yalnış məlumat vermək etik-davranış qaydalarının pozuntusu sayılır".

Oxu24.com yazıda adı hallanan vəkil Ülvi Nəsibli ilə əlaqə saxlayıb.O,məsələ ilə bağlı danışmaq istəmədiyini bildirib.

Miri Məcidli