Kreditor borcuna görə həbs oluna bilərsinir - DİQQƏT!

HÜQUQ

2054

12.11.2025, 20:10

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Bu gün krediti olmayan az adam tanımaq mümkündür.

Bu kreditlər arasında problemli kreditlər də az deyil.

Bu gün toxunacağımız mövzu kredit borcunu qəsdən,bilərəkdən ödəməyən vətəndaşların məsuliyyəti ilə bağlıdır.

Burada cinayət əməli varmı?

Oxu24.com bildirir ki,Cinayət Məcəlləsinin 196-cı maddəsində kreditor borclarını ödəməkdən qəsdən yayınmaya görə məsuliyyətdən bəhs olunur.

Məhkəmənin qanuni qüvvəyə minmiş müvafiq qərarına əsasən təşkilat rəhbərinin və ya vətəndaşın kreditor borclarını, yaxud qiymətli kağızları ödəməkdən qəsdən yayınması xeyli miqdarda ziyan vurduqda—üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın iki mislindən üç mislinədək miqdarda cərimə və ya bir ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılır.

Eyni əməllər külli miqdarda ziyan vurduqda—üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə cinayət nəticəsində vurulmuş ziyanın üç misli miqdarında cərimə və ya iki ilədək müddətə islah işləri və ya bir ildən üç ilədək müddətə azadlığın məhdudlaşdırılması və ya iki ildən beş ilədək müddətə azadlıqdan məhrum etmə ilə cəzalandırılır.

Miri Məcidli

Həmçinin oxuyun