Evində heyvan saxlayan şəxslərin DİQQƏTİNƏ!  —  Bunları bilməlisiniz...

Balakəndə itin yaşlı kişini parçalayıb,öldürməsi barədə xəbər vermişdik.Hadisə rayonun Mahamalar kəndində baş verib.

Kənd sakini 83 yaşlı Məhəmməd Atayev kəndin yaxınlığında yerləşən fermanın qarşısından keçərkən nəzarətsiz qalan çoban iti ona hücum edib.

Çoban itinə heç bir təzyiq göstərə bilməyən Məhəmməd Atayev hadisə yerində ölüb. Yaxınlarının bildirdiyinə görə, çoban iti aylar əvvəl də mərhuma hücum çəkərək müxtəlif xəsarətlər yetiribmiş.

Bir neçə aylıq müalicədən sonra M. Atayev sağalıb. Lakin bu dəfə itin hücumundan yaxa qurtara bilməyib.

Oxu24.com məsələnin aktuallığını nəzərə alaraq  heyvan saxlayan şəxslərin hüquqi məsuliyyəti barədə araşdırma aparıb.

Saxladığı heyvan başqa şəxslərə xəsarət yetirərsə,sahibini nə gözləyir?

Həmçinin oxuyun

DİN əməliyyat keçirib: Həbs olunan var -VİDEO

Müdafiə Nazirliyində yüksək vəzifəli hərbçi həbs olundu

Şəhid anası yanğında dünyasını dəyişdi

Təcili! Milli Məclis bu qərarları qəbul etdi

Mövzu ilə bağlı Oxu24.com-a danışan vəkil Şəms Mirzəyeva bildiirb ki,bu halda itin sahibi məsuliyyət daşıyır. Mülki Məcəlləyə görə,heyvan sahibi onu nəzarətsiz buraxarsa,həmin heyvan kiməsə xəsarət yetirərsə,bu halda sahibi cavab verməli olacaq.

Çünki sahib heyvanı mühafizə etməlidir,onun qaçmasının qarşısını alacaq şərait yaratmalıdır.Həqitətən də heyvan nəzarətsiz buraxılmışdırsa,ona sahibi tərəfindən lazımı qaydada nəzarət olunmamışdırsa,vurulan zərər heyvanın sahibi tərəfindən ödənilməlidir.

Siz təqdim etdiyiniz faktda konkret olaraq itin şəxsi parçalaması göstərilib.Bu yanaşma bütün heyvanlara eyni cür şamil olunur.Misal üçün pişiyin,inəyin,atın və s. heyvanın sahibi onu tələb olunan qaydada  mühafizə etməlidir.Əks halda məsuliyyət daşıyacaq.

Vəkil Şəms Mirzəyeva 

Vəkil Şəms Mirzəyevanın sözlərinə görə,Azərbaycan Respublikası Nazirlər Kabinetinin 9 mart 2011-ci il tarixli, 38 nömrəli qərarı ilə təsdiqlənmiş "Yaşayış məntəqələrində it, pişik və digər ev heyvanlarının saxlanması Qaydaları" mövcuddur.

Bu qaydalara əsasən şəxslər çoxmərtəbəli binalarda qonşulara narahatlıq yaratmamaq və nəzarət etmək şərti ilə evlərində  qoyulmuş  limitdə it,pişik saxlaya bilərlər.Qeyd olunan limitdən çox olmamaq şərti ilə insanlar evlərində ev heyvanları saxlaya bilərlər.Həyət evlərində bu saya limit yoxdur.İstənilən sayda ev heyvanları saxlaya bilərlər.Vəhşi heyvanların isə evlərdə saxlanılmasına icazə verilmir.

Hazırladı: Miri Məcidli