Müasir tibbin sistem problemi: protokolla vicdan arasında qalan HƏKİMLƏR 

Müasir tibb öz əsas məqsədini – insana kömək etmə funksiyasını tədricən itirir.

Oxu24.com  xəbər  verir   ki, təxminən 90% həkimlər mexaniki şəkildə, protokol əsasında işləyir. Pasiyent həkimə müraciət edir, analiz verir, lakin cavab budur: “Bu nəticələri qəbul etmirəm, başqa klinikada təkrar verilməlidir.” Beləliklə, insan həm vaxtını, həm də vəsaitini itirir, amma xəstəliyin kökü hələ də tapılmır.

Burada vətəndaşların hansı hüquqları pozulur?

Mövzu ilə bağlı Oxu24.com-a danışan hüquqşünas Ellada Bayramova bildirib ki,Qanunvericilik səviyyəsində mexanizmlər mövcuddur – “Səhiyyə haqqında” və “Pasiyentlərin hüquqlarının qorunması haqqında” qanunlar nəzəri baxımdan pasiyent hüquqlarını təmin etməlidir.

"Bu sistem səbəbi araşdırmır – yalnız simptomları müvəqqəti aradan qaldırır. Bir müddət sonra hər şey yenidən təkrarlanır. Fərdi yanaşma demək olar ki, yoxdur. Bu vəziyyət xüsusilə endokrinologiya və plastik cərrahiyyə sahələrində daha qabarıq görünür.

Hüquqşünas Ellada Bayramova

Vicdanla işləyən, bilikli və məsuliyyətli həkimlər çox azdır. Əksəriyyət reklam üzərindən pasiyent cəlb edir, lakin məqsəd nə pasiyenti anlamaq, nə də ona kömək etmək olur – əsas məqsəd qazancdır.

Qanunvericilik səviyyəsində mexanizmlər mövcuddur – “Səhiyyə haqqında” və “Pasiyentlərin hüquqlarının qorunması haqqında” qanunlar nəzəri baxımdan pasiyent hüquqlarını təmin etməlidir. Lakin praktikada bu mexanizmlər işləmir. Həkimin pasiyentə zərər vurduğunu – bilərəkdən və ya bilməyərəkdən – sübut etmək demək olar ki, mümkünsüzdür. Ekspertiza və konsiliumlar çox vaxt formal xarakter daşıyır, həmkar həmrəyliyi isə obyektivliyi aradan qaldırır.

Almaniya, İsveç və Yaponiya kimi ölkələrdə tibbi məsuliyyət və pasiyent müdafiəsi sistemləri şəffaf və müstəqildir. Azərbaycanda isə bu sistem, demək olar ki, yalnız insan amilinə bağlıdır. Əgər həkimdə vicdan yoxdursa, heç bir qanun pasiyenti qoruya bilməz.

Əsas problem – vicdanın itməsi və insana yanaşmanın yoxluğudur.

Vicdan olmadan tibb humanizm dəyərini itirir və sadəcə biznesə çevrilir.

Sistem insana qayıtmayınca, heç bir islahat nəticə verməyəcək",-deyə hüquqşünas bildirib.

Miri Məcidli

Həmçinin oxuyun

Müəllimlərə vacib xəbər: Onlar yayda bu qədər məzuniyyətə çıxacaq və pul ALACAQLAR

Bu şəxslərə ciddi güzəştlər OLACAQ - AÇIQLAMA 

Azərbaycanda bu şəxslərə pulsuz MƏNZİL VERİLƏCƏK — Bu sənədlər LAZIMDIR

24 MAYDA BİZİ NƏLƏR GÖZLƏYİR? — ULDUZ FALI