Fransada Luvr soyğunçuluğu ilə əlaqədar saxlanılan üç nəfər azadlığa buraxılıb

news/2025_11_28/louvre_io_1764358797.jpg

DÜNYA

520

28.11.2025, 23:38

Paris prokurorluğu Luvr soyğunçuluğu işi üzrə həbs olunan dörd nəfərdən yalnız birinin ittiham olunacağını açıqladı.

Oxu24.com xəbər verir ki, bu həftənin əvvəlində Luvr soyğunçuluğu ilə əlaqədar həbs olunan üç nəfər azadlığa buraxılıb.

Paris prokurorluğu üç şübhəliyə qarşı hazırda heç bir ittihamın olmadığını bildirib.

Prokurorluq həmçinin dördüncü şübhəlinin əvvəllər Luvr soyğunçuluğunda birbaşa iştirakda ittiham olunduğunu təsdiqləyib. Prokurorluq onun həbs qətimkan tədbiri seçilməsi barədə sorğu göndərib. Prokurorluq bildirib ki, "bu mərhələdə digər üç şübhəliyə qarşı heç bir dəlil tapılmayıb".

Həbsdə olan saxlanılan şəxs haqqında da təfərrüatlar məlum olub. 1986-cı il təvəllüdlü onun əvvəllər sutenyorluq, sürücülük vəsiqəsi olmadan maşın sürmək və oğurlanmış əşyaları saxlamaqda altı dəfə məhkumluğu var.

Həmçinin oxuyun

Elçin Alıoğlu: “Şirqulaminin “hədəsi” ABŞ-ın hərbi baza qurmaq ehtimalından deyil, daha dərin səbəblər var”

Bakıda binada yanğın başlayıb

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

Luvr 19 oktyabrda soyğunçuluq hadisəsi baş verib. Oğrular muzeyə forkliftlə daxil olublar, vitrinə giriblər və doqquz zərgərlik əşyası oğurlayıblar. Hadisə yerindən qaçarkən İmperatriça Yevgeninin tacını itiriblər. Oğurlanmış zinət əşyalarının dəyəri təxminən 90 milyon avrodur. Şəhər hakimiyyəti bildirib ki, soyğunçuluğun sifarişçisi xarici vətəndaşlar ola bilər.

Çərşənbə axşamı Paris yaxınlığında baş verən soyğunçuluqda şübhəli bilinən dörd nəfər həbs edilib. Məlumata görə, iki kişi və iki qadın saxlanılıb.

Oğurluqdan bir həftə sonra polis bir neçə şübhəlinin həbs olunduğunu elan edib. İstintaq çıxılmaz vəziyyətə düşüb. Zərgərlik əşyaları heç vaxt tapılmayıb. Mediada yayılan məlumatlara görə, oğrular oğurlanmış Luvr zinət əşyalarını qaranlıq internetdə satmağa cəhd ediblər.

Nigar