Avropada qaz qiyməti son bir il yarımda ən aşağı səviyyəyə düşdü

DÜNYA

490

21.11.2025, 16:18

Bloomberg London ICE birjasının məlumatlarına istinadən xəbər verir ki, Avropada təbii qazın fyuçersləri 2024-cü ilin may ayından bəri ən aşağı səviyyəyə, yaxud son 18 ayın ən aşağı səviyyəsinə çatıb.

Oxu24.com xəbər verir ki,ən aşağı səviyyədə qiymət min kubmetr üçün 360 dollara yaxınlaşıb.

Qiymətin düşməsinə yüksək temperaturun proqnozlaşdırılması, sabit və böyük qaz təchizatı və Tramp administrasiyasının irəli sürdüyü Ukraynadakı döyüşlərə son qoymaq üçün yeni bir plan barədə söhbətlər səbəb olub.

Treyderlər danışıqların uğurlu olması və tərəflərin atəşkəs barədə razılığa gəlməsi halında Avropanın Rusiya mayeləşdirilmiş təbii qazının (LNG) idxalını qadağan etmək üçün heç bir səbəbinin olmayacağına mərc edirlər. Bu halda, qiymətləri yüksəldən təchizat fasilələri ilə bağlı narahatlıqlar nəzərə alınmaya bilər.

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO

Bundan əlavə, bazar iştirakçıları getdikcə mövcud qaz ehtiyatlarının və hazırkı LNG tədarükünün Avropanın qışı heç bir problem olmadan keçirməsinə imkan verəcəyini getdikcə daha çox qəbul edirlər, baxmayaraq ki, qəfil şaxtalar baş verərsə, proqnozlar yenidən nəzərdən keçirilə bilər.

Oktyabr ayında "Qazprom"un baş direktoru Aleksey Miller Sankt-Peterburq Beynəlxalq Qaz Forumunda çıxış edərək Avropa üçün qeyri-adi dərəcədə soyuq bir qış proqnozlaşdırdı və bu da region ölkələri üçün qaz çatışmazlığına səbəb oldu.

Eyni zamanda, Qaz İxrac Edən Ölkələr Forumunun (GECF) hesabatında bildirilir ki, 2025-ci ilin sentyabr ayında Avropada qaz hasilatı ötən ilin eyni dövrü ilə müqayisədə 10,6 faiz artıb.

Jalə