Tramp və fon der Leyen arasında fikir ayrılığı yaranıb

DÜNYA

494

19.11.2025, 17:12

Macarıstanın Fidesz partiyasından olan Avropa Parlamentinin üzvü Çaba Demeter bildirib ki, avqust ayında AB nümayəndə heyətinin ABŞ-a səfəri zamanı Avropa Komissiyasının prezidenti Ursula fon der Leyen ilə ABŞ prezidenti Donald Tramp arasında mübahisə yaranıb.

Oxu24.com xəbər verir ki,Demeter Mandiner portalına verdiyi müsahibədə bildirib: "AB nümayəndə heyəti Vaşinqtona gələndə fon der Leyen ilə Tramp arasında mübahisə yaranıb və onlara (AB nümayəndə heyəti - Oxu24.com) layiqincə qarşılanmayıb".

Lakin Avropa Parlamentinin üzvü bu reaksiyanı təəccüblü adlandırıb və xatırladıb ki, Brüssel son illərdə Ağ Ev rəhbərini dəfələrlə təhqir edib.

Bundan əvvəl, 15 noyabrda "Politico" qəzeti sağçı partiyaların artan təsiri səbəbindən Avropa Komissiyası rəhbərinin Avropa Parlamentində dəstəyini itirdiyini bildirib.

Nəşrin məlumatına görə, solçu partiyalardan olan müttəfiqlər də fon der Leyenin hərəkət azadlığını tez-tez tənqid etməyə başlayıblar.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Noyabrın 10-da Macarıstanın xarici işlər naziri Peter Siyarto ABŞ prezidenti Donald Trampın Ursula fon der Leyeni tənqid etdiyini bildirib.

Diplomat qeyd edib ki, Macarıstana qarşı sanksiyaların təxirə salınması Ursula fon der Leyenin əldə etdiyi razılaşmadan daha yaxşıdır. Ursula fon der Leyenin Aİ-də Amerika mallarına artan tarifləri qaldırmağa razılıq verməsi, ABŞ-da isə Avropa məhsullarına tariflərin yüksək qalması ilə nəticələnib.

Müəllif: Şahbaz