Media: Rusiya 1990-cı ildən bəri ilk dəfə nüvə sınaqları keçirə bilər

news/2025_10_22/putin_nuve_1761142319.jpg

DÜNYA

535

05.11.2025, 19:30

Sovet İttifaqı 1990-cı ildə nüvə sınaqları keçirib, lakin Rusiya Federasiyası müasir tarixdə heç vaxt bunu etməyib.

Oxu24.com xəbər verir ki, bu barədə Reuters agentliyi Rusiya Təhlükəsizlik Şurasının iclasının nəticələrini təhlil edərək bu barədə məlumat yayıb.

"ABŞ sonuncu dəfə 1992-ci ildə, Çin və Fransa 1996-cı ildə, Sovet İttifaqı isə 1990-cı ildə sınaq keçirib. Sovet nüvə arsenalını miras alan postsovet Rusiyası heç vaxt bunu etməyib", - deyə nəşr bildirib.

Rusiyanın müdafiə naziri Andrey Belousov 5 noyabrda Rusiya Təhlükəsizlik Şurasının iclasında Novaya Zemlya arxipelaqının artıq nüvə sınaqlarına hazır olduğunu qeyd edib.

Nazir tammiqyaslı nüvə sınaqlarına dərhal hazırlıqlara başlamağın məqsədəuyğun olduğunu vurğulayıb. Onun sözlərinə görə, bu cür sınaqlar Novaya Zemlyada baş tuta bilər.

Həmçinin oxuyun

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana qaçqın axını gözlənilirmi? — Politoloqla MÜZAKİRƏ

Pensiya yaşı azaldılır? - Rəsmi cavab

Rusiya Silahlı Qüvvələrinin Baş Qərargah rəisi Valeri Gerasimov Rusiyanın bir neçə aydan bir neçə ilə qədər müddətdə nüvə sınaqları keçirməyə hazır olacağını bildirib.

Təhlükəsizlik Şurası üzvlərinin açıqlamaları ABŞ prezidenti Donald Trampın oktyabrın sonlarında nüvə silahı sınaqlarına başlamaq barədə sərəncamı ilə bağlı olub. Tramp sınaqların keçirilməsini Hərbi Departamentə (Pentaqon) tapşırdı. Amerika liderinin sözlərinə görə, sınaqlar "dərhal" başlamalı və ABŞ digər nüvə gücləri ilə "bərabər səviyyədə" hərəkət edəcək.

Bundan əvvəl Belousov ABŞ-ın Rusiyaya 6-7 dəqiqə ərzində çata bilən raketlər yerləşdirmək planlarını açıqlamışdı.

Nigar