Politico: Putin-Tramp danışıqları Aİ-də həyəcan yaradır

DÜNYA

599

21.10.2025, 18:15

“Politico” Aİ-nin yüksək rütbəli diplomatik mənbəsinə istinadən xəbər verir ki, Rusiya prezidenti Vladimir Putinlə Ağ Evin prezidenti Donald Tramp arasında planlaşdırılan danışıqlar Avropa İttifaqında artan narahatlığa səbəb olur.

Oxu24.com xəbər verir ki,nəşrin yazdığına görə, Avropa rəsmiləri Trampın Moskvanın xeyrinə ərazi güzəştlərini qəbul etməsi üçün Kiyevə təzyiq edə biləcəyindən ehtiyat edirlər. Bu narahatlıqlar Kreml tərəfindən mümkün gizli gündəmlərin dərk edilməsindən irəli gəlir.

Məqalədə qeyd olunur ki, Baltikyanı ölkələr – Estoniya, Latviya və Litva mümkün razılaşmaları öz təhlükəsizliklərinə təhdid kimi görərək panikaya düşə bilər.

Nəşrin mənbəsinin sözlərinə görə, Ukraynanın ərazi güzəştləri bir sıra Avropa ölkələrində genişmiqyaslı yenidən silahlanma prosesinə təkan verə bilər ki, bu da Avropa İttifaqının daxili siyasi arxitekturasına ciddi təsir göstərəcək.

Oktyabrın 16-da Putin və ABŞ prezidenti Donald Tramp arasında səkkizinci telefon danışığı olub. Onlar yaxın iki həftə ərzində Macarıstanın paytaxtında baş tuta biləcək yeni şəxsi sammit təşkil etmək barədə razılığa gəliblər. Macarıstanda səfərə hazırlıq üçün təşkilat komitəsi yaradılıb.

The Wall Street Journal-ın yazdığına görə, Tramp ukraynalı həmkarı Vladimir Zelenski ilə görüşdə Ukrayna nümayəndə heyətinin gətirdiyi döyüş meydanı xəritələrinə baxmaqdan imtina edib.

Bundan əvvəl bir neçə Aİ ölkəsi Ukraynada hərbi əməliyyatların dayandırılması təklifini dəstəkləyib.

Nigar

Həmçinin oxuyun