"Azərbaycanda hicaba qadağa yoхdur" - Sədr AÇIQLAMA VERDİ

Azərbaycanda son dövrlər orta məktəblərdə şagirdlərin geyim forması və hicabla bağlı müzakirələr cəmiyyətdə süni qarmaqarışıqlıq yaratmağa xidmət edir. Dünyəvi dövlət prinsiplərinə uyğun olaraq qəbul edilən qərarlar bəzi qüvvələr tərəfindən qəsdən təhrif olunur və gündəmə gətirilir. Xüsusilə xarici dairələrin və müxtəlif dini missiyaların Azərbaycan hakimiyyətinə qarşı bu cür təzyiqlər göstərməsi açıq-aydın hiss olunur. Ölkəmizdə qadın azadlığı, eləcə də qadın hüquqları hər zaman qorunub və qadınlar cəmiyyətin bütün sahələrində sərbəst şəkildə təmsil olunurlar. Lakin təəssüfedici haldır ki, "Molla Nəsrəddin" jurnalının nəşrindən 120 il keçməsinə baxmayaraq, hələ də cəhalət və xurafat girdabında yaşayan insanlar mövcuddur. Cəmiyyətimizin bir hissəsinin hələ də bu kimi qaranlıq təsirlərdən xilas ola bilməməsi çox acınacaqlıdır. Məhz buna görə də bütün ziyalı və açıqfikirli insanlar hər zaman olduğu kimi, indi də Azərbaycan dövlətinin yanında qətiyyətlə dayanmalıdırlar.

Mövzu ilə bağlı Oxu24.com-a açıqlama verən Azərbaycan Mətbuat Şurasının sədri, Azərbaycan Yazıçılar Birliyinin sədr müavini Rəşad Məcid bildirib ki, Azərbaycan hökumətinin orta məktəblərdə vahid məktəbli geyimi forması ilə bağlı qərarı təbii qarşılanmalıdır, biz dünyəvi dövlətik:

“Körpə uşaqlara hansısa valideynlərin və yaxud dini dindar insanların təsiri ilə orta məktəbdə hicab bağlamaları düzgün deyil, dünyəvi təhsilə də yaraşmaz”.

Sədrin sözlərinə görə, bu məsələ hesabında çox büyük qarmaqarışıqlıq yaradılır ki, Azərbaycanda hicaba qadağa var:

“Azərbaycanda hicaba qadağa yoхdur, hicablı qadınlar iş yerlərində, ictimai yerlərdə, tədbirlərdə çox rahat gəzirlər. Bu mənada hiss olunur ki, bu cür qarmaqarışıqlığın yaradılması xüsusi məqsəd güdür və xüsusilə də xarici dairələrin, dini missionerlərin Azərbaycan hökumətinə təzyiqi nümayiş olunur”.

Rəşad Məcid qeyd edib ki, bu il “Molla Nəsrəddin” jurnalının 120 yaşı tamam olur:

“120 il bundan əvvəl dahi Mirzə Cəlil Azərbaycanda cəhalətə və xurafata qarşı mübarizə aparmışdı, qadın azadlığı, qadın hüquqları uğrunda mübarizə aparmışdı. Və indi təəssüf ki, aradan 120 il keçəndən sonra yenə də cəhalət və xurafat girdabında olan insanlar var, biz buna çox acıyırıq. Hesab edirəm ki, bütün ziyalı, açıqfikirli insanlar Azərbaycan dövlətinin yanında olmalıdırlar”.

Çimnaz Telmanqızı

Həmçinin oxuyun

Azərbaycanda koronavirus  təhlükəsi varmı? - HƏKİM DANIŞIR

Trampın Əliyevi  ABŞ-yə dəvəti Azərbaycana nə verəcək?  —  SİYASİ ŞƏRH

Azərbaycan milyonlarla gəlir qazanacaq - AÇIQLAMA

 Elm və Təhsil Nazirliyi yeni təyinatla bağlı MƏLUMAT YAYDI