Xalq yazıçısı, akademik Kamal Abdullanın 75 illik yubileyi münasibətilə kitab sərgisi təşkil olunub

CƏMİYYƏT

615

04.12.2025, 12:05

Xəbərlərimizi Google-da izləyin

Yeniliklərdən dərhal xəbərdar olun

Abunə ol

MEK-də Xalq yazıçısı, akademik Kamal Abdullanın 75 illik yubileyi münasibətilə kitab sərgisi təşkil olunub

Bu gün Xalq yazıçısı, akademik Kamal Abdullanın 75 illik yubileyi qeyd olunur. Yubiley münasibətilə Azərbaycan Milli Elmlər Akademiyasının Mərkəzi Elmi Kitabxanasında görkəmli alim və yazıçının elmi və ədəbi yaradıcılığını əks etdirən kitab sərgisi təşkil edilib.

Sərgidə Kamal Abdullanın uzunmüddətli elmi fəaliyyətini, dilçilik sahəsində apardığı tədqiqatları və ədəbiyyatşünaslığa verdiyi mühüm töhfələri əks etdirən nəşrlər nümayiş olunur. Burada müəllifin “Seçilmiş əsərləri”nin yeddi cildliyi, “Sirri-zəmanə”, “Mifdən yazıya və yaxud gizli Dədə Qorqud”, “Müstəqillik dövründə ingilisdilli mətbuatda Azərbaycan obrazı (1993–2003)”, “Azərbaycançılıq və ‘Kitabi-Dədə Qorqud’ dastanı”, “Həqiqətin onomastikası” və digər elmi-ədəbi kitabları yer alıb.

Həmçinin multikulturalizm və azərbaycançılıq ideyalarına həsr olunmuş “Heydər Əliyev və multikultural təhlükəsizlik”, “Azərbaycan multikulturalizminin ədəbi-bədii qaynaqları”, “Azərbaycan multikulturalizminin elmi-fəlsəfi və ictimai-publisistik qaynaqları”, “Azərbaycan multikulturalizmi” və digər kitablar da oxucuların diqqətinə təqdim edilir.

Nəşrlərdə Azərbaycanın mədəni müxtəlifliyinin qədim dövrlərdən müasir zamanadək keçdiyi inkişaf yolu, azərbaycançılıq və azərbaycanşünaslıq anlayışlarının elmi-nəzəri əsasları, azərbaycançılığın məfkurə, siyasi hərəkat və mənəvi dəyər kimi rolu geniş şəkildə işıqlandırılır. Bununla yanaşı, 1993–2003-cü illərdə dünyada, xüsusilə Amerika, Avstraliya, Kanada və digər ölkələrin ingilisdilli mətbuatında Azərbaycan haqqında dərc olunmuş məqalələrin tərcümələri də sözügedən kitablarda əks olunub.

Həmçinin oxuyun