Ədliyyə Nazirliyində ən yüksək rütbəli məmurlar kimlərdir? — MARAQLI DOSYELƏR

CƏMİYYƏT

17060

29.11.2025, 11:09

Azərbaycan Respublikası Ədliyyə Nazirliyi özünün çoxpilləli idarəetmə strukturu, ixtisaslaşmış sahələri və xüsusi rütbəyə malik məmurları ilə dövlət idarəçiliyinin ən vacib qurumlarından biridir. Nazirlikdə xidmət edən yüksək rütbəli şəxslər həm hüquqi islahatların həyata keçirilməsi, həm də ədliyyə orqanlarının ümumi fəaliyyətinin koordinasiyası baxımından mühüm rol oynayırlar.

Oxu24.com Ədliyyə məmurları ilə bağlı araşdırma aparıb.

Hazırda Ədliyyə Nazirliyində ən yüksək rütbəli məmur II dərəcəli dövlət ədliyyə müşaviri, Azərbaycan Respublikasının Ədliyyə nazirinin müavini Eldar Nuriyevdir.

Eldar Nuriyevdən sonra nazirlikdə yüksək rütbəli məmurlar aşağıdakılardır:

III dərəcəli dövlət ədliyyə müşaviri, Azərbaycan Respublikasının Ədliyyə naziri Fərid Əhmədov

III dərəcəli dövlət ədliyyə müşaviri, Ədliyyə nazirinin müavini Mübariz Əhmədov

III dərəcəli dövlət ədliyyə müşaviri, Ədliyyə nazirinin müavini Abiddin Hüseynov

Həmçinin oxuyun

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana qaçqın axını gözlənilirmi? — Politoloqla MÜZAKİRƏ

Pensiya yaşı azaldılır? - Rəsmi cavab

III dərəcəli dövlət ədliyyə müşaviri, Ədliyyə nazirinin müavini Toğrul Hüseynov

III dərəcəli dövlət ədliyyə müşaviri, Ədliyyə Nazirliyinin Beynəlxalq Əməkdaşlıq Baş İdarəsinin rəisi Adil Əbilov

Ədliyyə Nazirliyinin strukturunda xüsusi rütbə daşıyan ədliyyə general-mayorları da fəaliyyət göstərir. Bu rütbə hüquq-mühafizə sistemində yüksək peşəkarlıq, uzunmüddətli xidmət və məsul sahələrin idarə olunmasında xüsusi rol oynayan şəxslərə verilir.

Ədliyyə orqanlarının xüsusi rütbə daşıyan generalları:

Ədliyyə general-mayoru, Ədliyyə nazirinin müavini Mirsaleh Seyidov

Ədliyyə general-mayoru, Penitensiar Xidmət rəisinin müavini Orxan Qasımov

Ədliyyə general-mayoru, Penitensiar Xidmət rəisinin müavini Oqtay Məmmədov

Ümumilikdə, Ədliyyə Nazirliyi rəhbər heyətində müxtəlif rütbələrə malik olan məmurlar dövlət idarəetmə sisteminin mühüm hissəsini təşkil edir. II və III dərəcəli dövlət ədliyyə müşavirləri, eləcə də ədliyyə general-mayorları nazirliyin fəaliyyət istiqamətlərini müəyyənləşdirən və həyata keçirən əsas fiqurlardır.

Hazırladı: Miri Məcidli