7 ölkədən jurnalistlər Bakıya gəldi:Mühüm tədbir başladı

Bakıda “Dialoqun, əməkdaşlığın və regional həmrəyliyin təşviq edilməsi” mövzusunda D-8 Media Forumu keçirilir.

Oxu24.com  xəbər verir ki, mərasimdə Azərbaycan, Banqladeş, Misir, İndoneziya, İran, Malayziya, Nigeriya və Türkiyədən olan media nümayəndələri, diplomatlar və digər şəxslər iştirak edirlər.

D-8 Media Forumu üzv dövlətlər arasında daha sıx əlaqələr qurmaq üçün müxtəlif regional və qlobal məsələlərə dair baxışların bölüşülməsi və ortaq D-8 kimliyini gücləndirən uğur hekayələrinin önə çıxarılması üçün bir platforma yaratmağı hədəfləyir. Forum həmçinin jurnalistləri və media rəhbərlərini bir araya gətirərək birgə layihələrə başlamaq, təcrübə mübadiləsi aparmaq və transsərhəd əməkdaşlığı genişləndirmək niyyətindədir.

Forum yüksək dəqiqlik və etik standartlara sadiqliyini qoruyacaq, medianı sosial həmrəyliyə, təhlükəsizliyə və iqtisadi inkişafa töhfə verən əsas vasitə kimi mövqeləndirəcək.

İştirakçılar dezinformasiya ilə mübarizə üçün fakt-yoxlama tərəfdaşlıqları, media savadlılığı və xüsusilə rəqəmsal sahədə ən yaxşı təcrübələr üzrə kollektiv bilik mübadiləsi vasitəsilə koordinasiya olunmuş strategiyalar hazırlayacaqlar.

Qedy edək ki, D-8 İqtisadi Əməkdaşlıq Təşkilatı hazırda doqquz müsəlman ölkəni birləşdirir.

Təşkilatın təməli Türkiyənin təşəbbüsü ilə 1996-cı il oktyabrın 22-də İstanbulda Banqladeş, İndoneziya, İran, Malayziya, Misir, Nigeriya və Pakistanın əməkdaşlığı ilə təşkil edilən İnkişaf Əməkdaşlıq Konfransında qoyulub.

1997-ci il iyunun 15-də İstanbulda 8 ölkənin dövlət və hökumət başçılarının sammitində təşkilat rəsmən elan olunub. Təşkilatın Katibliyi İstanbul şəhərində yerləşir.

Azərbaycan D-8-in 2024-cü il dekabrın 19-da Misirin paytaxtı Qahirə şəhərində keçirilən XI Sammitində təşkilatın üzvü seçilib.

Hazırda təşkilatda Azərbaycan, Türkiyə, Pakistan, Banqladeş, İndoneziya, İran, Malayziya, Misir, və Nigeriya təmsil olunur.

Həmçinin oxuyun

Bol yağışın dəhşətli səbəbi üzə çıxdı - İran görün nə edib... 

Zəlzələ OLDU

Bunu edənlər 1500 manat CƏRİMƏLƏNƏƏCK – AÇIQLANDI

SON DƏQİQƏ! Azərbaycan-İran sərhədi ilə bağlı YENİ QƏRAR