Azərbaycanda bu şəxslərə xoş xəbər: artım ola bilər – Siyahı

CƏMİYYƏT

766

14.11.2025, 19:14

Gələn il üçün dövlət büdcəsində əməkhaqqı ilə bağlı ödənişlərin həcmi 8 milyard 251,6 milyon manat səviyyəsində proqnozlaşdırılır. Bu, 2025-ci ilin gözlənilən göstəricisi ilə müqayisədə 661,6 milyon manat və ya 8,7 faiz çoxdur.

Maaşlar arta bilərmi? Ödənişlər hansı istiqamətə yönəldiləcək?

Oxu24.com xəbər verir ki,Globalinfo.az-a danışan Milli Məclisin iqtisadi siyasət, sənaye və sahibkarlıq komitəsinin üzvü Müşfiq Cəfərov deyib ki, ayrılan vəsaitin konkret olaraq hansı sahələri əhatə edəcəyi barədə dəqiq məlumat yoxdur:

“Lakin ilin sonu və gələn ilin əvvəlində bu mövzuda rəsmi açıqlamaların veriləcəyi gözlənilir. Fikrimcə, əməkhaqqı ilə bağlı xərclərin belə formalaşması sosial rifahın yüksəldilməsinə yönəlmiş mühüm addımdır. Xüsusilə bu, dövlət qulluğunda çalışan şəxslərin – müəllimlərin, həkimlərin, mədəniyyət, sosial və digər sahələrdə fəaliyyət göstərən dövlət işçilərinin gəlirlərinin artırılması məqsədini daşıyır”.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Deputat bildirib ki, bu qərar inflyasiya amilinin nəzərə alınması ilə də izah olunur:

“Büdcə tərtib edilərkən dövlət həm iqtisadi sabitliyi, həm də vətəndaşların real gəlirlərinin qorunmasını prioritet kimi götürür. Buna görə də əməkhaqqı artımı yalnız nominal deyil, sosial rifah baxımından əhəmiyyətli təsir göstərə bilər. Ümumilikdə, 2026-cı il üçün nəzərdə tutulan bu artım dövlət sektorunda çalışanların həyat səviyyəsinin yaxşılaşdırılması, dövlət qulluğuna marağın artırılması və ictimai xidmətin keyfiyyətinin yüksəldilməsinə yönəlmiş addım kimi qiymətləndirilir”.