XƏBƏRDARLIQ: Bu ətlər təhlükə saçır, almayın...

news/2025_11_10/et_aldiqda_bunlara_diqqet_edin7_800x720_1_768x403_1_1762790357.jpg

CƏMİYYƏT

5106

10.11.2025, 19:56

Bəzi alıcılar qablaşdırılmış ət məhsullarının rənginin “bir qədər dəyişdiyini” müşahidə etdikdə bunun keyfiyyətsizlik əlaməti olduğunu düşünürlər. Bəs bu, doğrudanmı belədir?

Oxu24.com xəbər verir ki, mövzu ilə bağlı KONKRET.az-a açıqlama verən qida məsələləri üzrə ekspert Asim Vəliyev bildirib ki, qablaşdırılmış ət məhsullarında rəng fərqi çox vaxt təbii proses nəticəsində yaranır:

“Ətin rəngi onun tərkibindəki mioqlobin adlı zülaldan asılıdır. Mioqlobin oksigenlə təmasda olanda ətin üz hissəsi qırmızı, daha az oksigenlə təmasda olanda isə tünd qırmızı və ya açıq qəhvəyi çalarda olur. Bu hal ətin xarab olması anlamına gəlmir, sadəcə oksigenlə təmas səviyyəsinin fərqli olduğunu göstərir.”

Ekspertin sözlərinə görə, qablaşdırma növü, saxlanma temperaturu və işıqlandırma kimi amillər də ətin rənginə təsir göstərir:

“Əgər ət şəffaf qabda və ya vakuum şəraitində saxlanırsa, içəriyə az oksigen daxil olur və ət tünd rəngdə görünə bilər. Qab açıldıqdan bir neçə dəqiqə sonra hava ilə təmas nəticəsində rəngi yenidən açıq qırmızı olur. Amma ət pis qoxu verirsə, yapışqan hiss olunur və ya səthində selikli qat əmələ gəlibsə, bu, artıq xarab olmanın göstəricisidir.”

Həmçinin oxuyun

Azərbaycanda məşhur hakim VƏFAT ETDİ

Azərbaycanda yüksək vəzifəyə TƏYİNAT BAŞ TUTDU

Bakıda 3 nəfərin meyiti tapıldı

16 ildir rayona rəhbərlik edən 80 yaşlı icra başçısı - FOTO

Asim Vəliyev onu da qeyd edib ki, ətin mənşə ölkəsi və ya gətirildiyi mənbə barədə məlumat bəzən etiketdə göstərilmir.

“Bu, məhsulun emal mərhələsindən və qanunvericiliyin tələblərindən asılıdır. Emal olunmuş və ya qarışıq ətlər (məsələn, kolbasa və soyudulmuş hazır məhsullar) bir neçə ölkədən gətirilən xammaldan hazırlanır. Bu halda istehsalçı “xammal bir neçə ölkədən gətirilmişdir” kimi ümumi qeyd yaza bilər. Təzə, emal olunmamış ətlərdə isə mənşə ölkəsi adətən göstərilməlidir. Hər iki halda məhsulun mənşəyi sənədlərlə izlənilir.”

Ekspert alıcılara məsləhət görür ki, qablaşdırılmış ət alarkən yalnız rənginə deyil, həm də qoxusuna, teksturasına və saxlanma şəraitinə diqqət yetirsinlər.