AZTV-nin helikopter almaq   planının DETALLARI

Rövşən Məmmədovun AzTV üçün vertolyot almaq istəməsi onun "qara siyahı"ya düşməsi ilə nəticələnib. Hakimiyyətin yuxarı eşelonunda AzTV sədrinin bu niyyətindən xəbər tutanda onu sərt tənqid ediblər. Sədr vertolyotu çəkiliş prosesini daha rahat təşkil etmək üçün almaq istədiyini desə də, bu arqument ciddi qəbul olunmayıb və onun bu hərəkəti "özbaşınalığın son həddi" kimi qiymətləndirilib.

Məlumatda o da qeyd olunur ki, çəkilişləri ekstremal situasiyalarda belə cəmi 2 min manat qiyməti olan dron vasitəsilə tam təhlükəsiz şəraitdə həyata keçirmək mümkündür. Hazırda AzTV-də bu texnikadan istifadə olunur.

Oxu24.com xəbər  verir   ki,bu informasiya mətbuatda yayıldıqdan sonra müzakirələrə səbəb olub.

Məsələ ilə bağlı   İnternet Forumunun prezidenti Osman Gündüz sosial media hesabında  öz mövqeyini  paylaşıb.

Həmçinin oxuyun

Nazirliyinin idarə rəisi vəzifəsindən azad edildi - FOTO 

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana  qaçqın axını gözlənilirmi?  —  Politoloqla MÜZAKİRƏ

Pensiya yaşı azaldılır? - Rəsmi cavab 

O bildirib ki, dünyada əksər TV kanallar çəkiliş üçün helikopterlərdən istifadə edir: 

"AzTV sədrini helikopter almaq istədiyinə görə tənqid etmək, yoxsa təqdir etmək lazımdır?

Son günlər AzTV sədri Rövşən Məmmədovun “helikopter almaq istəyi” və yaradıcı işçilərə verdiyi qonorarlara görə tənqidlər gündəmdədir.

Amma məsələ bir qədər fərqli görünür.

Düşünürəm ki, əslində AzTV-ni, eləcə də İTV və digər televiziya kanallarını belə bir təşəbbüsə görə TƏQDİR etmək daha doğru olardı.

Əgər məqsəd televiziyanın çəkiliş və texnoloji imkanlarını genişləndirmək, ucqar və çətin ərazilərdən – xüsusilə regionlardan və Qarabağdan – operativ görüntülər əldə etməkdirsə, bu, normal və hətta zəruri texniki qərardır.

Dünyanın əksər güclü TV kanalları hava çəkilişləri üçün, operativlik üçün  helikopterlərdən istifadə edir.

Regionda, dünyada informasiya savaşının getdiyi bir zamanda TV-lərin rəqabətə davamlılğı üçün innovasiyalar və texnologiyalar, dron və helikopter kimi vasitələr mühüm əhəmiyyət kəsb edir.

Dronun da, helikopterin də və çəkiliş üçün nəzərdə tutulmuş “AzTV avtobusu”nun da öz funksionallığı var.

Söhbət dronla toy çəkməkdən deyil, operativ xəbər istehsalından gedir.

Bəlkə də tənqid olunmalı olan helikopterin alınması deyil, bu cür təşəbbüslərin ictimaiyyətə düzgün izah edilməməsidir.

Fikrimcə, AzTV rəhbərliyi məsələni şəffaf və əsaslandırılmış şəkildə təqdim etsəydi, “helikopter” mübahisəsi bu qədər böyüməzdi",-deyə  O.Gündüz qeyd edib.

Nigar