Azərbaycanda pensiya yaşı ilə bağlı VACİB XƏBƏR: Bu şəxslər tez çıxa bilər...

news/2025_09_18/pensiya_alim_1758180954.webp

CƏMİYYƏT

1144

05.11.2025, 13:10

Azərbaycanda üç və daha çox uşağı olan ailələrin nümayəndələrinin 5 il tez güzəştlə pensiyaya çıxmasının tətbiq olunması istiqamətində qanunvericilikdə dəyişikliklər edilməsi təklif olunub.

Oxu24.com xəbər verir ki, bununla bağlı təklifi deputat Əli Məsimli Milli Məclisin İqtisadi siyasət, sənaye və sahibkarlıq, eləcə də Əmək və sosial siyasətin komitələrinin bu gün keçirilən birgə iclasında verib.

Onun sözlərinə görə, pensiyaların artırılmasının mənbələri çoxdur: "Əsas mənbələrdən biri bilavasitə ümumi daxil məhsulda əməyin ödəniş xərcləridir. Təhlillər zamanı görürük ki, bu xərclərin ÜDM-də payı Azərbaycanda uzun müddət 20 %-dən aşağı və onun ətrafında olub. Bu, MDB ölkələri ilə bağlı göstəricidən, orta göstəricidən iki dəfə aşağıdır. Son illərdə bununla bağlı müəyyən dəyişiklər, tərəqqi var".

O qeyd edib ki, vətəndaşlar pensiyaya tez çıxmaqla bağlı xeyli suallar ünvanlayırlar: "Son illər yaxşı addımlar atılır. Güzəştli şərtlərlə pensiyaya çıxanların dairəsi genişlənir".

Həmçinin oxuyun

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana qaçqın axını gözlənilirmi? — Politoloqla MÜZAKİRƏ

Pensiya yaşı azaldılır? - Rəsmi cavab

Deputat əlavə edib ki, Azərbaycanda pensiyaya 5 il tez çıxmaq güzəşti 5 və ondan artıq uşağı olan analara verilib: "Gənc ailələrdə 5 və ondan artıq uşaq çox nadir hadisədir. Təklif edirəm ki, 3 və daha çox uşağı olan ailələrin nümayəndələrinin 5 il tez güzəştlə pensiyaya çıxmasının tətbiq olunması istiqamətində qanunvericilikdə dəyişikliklər olunsun".

Bundan öncə 2026-cı ildə yaşa görə pensiya ilə bağlı şad xəbəri vermişdik.