Tibb məntəqəsində məskunlaşan ailə Ağdama qayıdacağı günü gözləyir  - SOSİAL ÇƏTİNLİK 

Dözülməz şəraitdə 28 il – Ağdamdan köçkün düşən ailə, qəzalı tibb məntəqəsindən yurda dönüşü səbirsizliklə gözləyir.

Ali Baş Komandanın rəhbərliyi ilə Müzəffər Ordumuz Qarabağda tarix yazdıqdan sonra  azad olunan torpaqlara köş prosesi davam edir.

Azad olunan ərazilərdə Dövlət rərəfindən tikilən müasir tipli mənzillər vətəndaşlara verilir.Bu iş böyük sürətlə davam etdirilir.

Erməni işğalı nəticəsində bir çox azərbaycanlı ailələr öz doğma yurdlarından didərgin düşüb. Bu gün onların ürəyi rahatlıq tapsa da,geridə qoyduqları 30 ildən artıq bir zaman var...

Oxu24.com  xəbər  verir  ki, belə ailələrdən biri də  Ağdamdan erməni işğalı vaxtı  məcburi köçkün düşmüş  Dünyamin Abışovun ailəsidir.

Hazırda ailə Ağcabədi rayonunun Hacıbədəlli kəndində yerləşən qəzalı vəziyyətdə olan tibb məntəqəsində məskunlaşıb.

Məlumat üçün qeyd edək ki, həmin tibb məntəqəsində ümumilikdə beş ailə yaşayır, onlardan ikisi Ağdamdan olan keçmiş  məcburi köçkünlərdir.

View this post on Instagram

A post shared by oxu24.az (@oxu24.az)

Dünyamin Abışovun ailəsində iki azyaşlı uşaq böyüyür. O bildirir ki, yaşadıqları şərait çox ağırdır:

 “Yağan yağış birbaşa otağımıza axır, uşaqların yatdığı yer islanır. Betonun üzərində yaşamaq çox çətindir. Qışda isinmək, yayda isə istidən qorunmaq mümkün deyil. Xəstəxana şəraitində, xəstələrlə eyni binanı paylaşmaq sağlamlıq baxımından da, gigiyena baxımından da çox çətindir. Uşaqlar bu səbəbdən tez-tez xəstələnirlər.”

Abışov qeyd edib ki, artıq 28 ildir bu binada yaşayır:

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO 

 “Ata-anam da bu tibb məntəqəsində çox əziyyət çəkiblər, onlar dünyasını dəyişiblər. Buradakı antisanitar şərait illərlə sağlamlığımıza mənfi təsir göstərib. Uşaqlarımın ikisi də rütubət və betonun verdiyi soyuqluq səbəbindən yüksək dərəcəli revmatizmdən əziyyət çəkir. Neft Akademiyasını bitirmişəm, mühəndisəm. Amma iş tapa bilmirəm deyə, başqa yerə köçmək imkanımız yoxdur.”

Sakinin sözlərinə görə, vəziyyətlə bağlı ölkə başçısına, Birinci vitse-prezidentə, eləcə də Qaçqınların və Məcburi Köçkünlərin İşləri üzrə Dövlət Komitəsinə və digər aidiyyəti qurumlara müraciətlər ünvanlanıb:

 “Hər dəfə eyni cavabı alırıq – qayıdış zamanı çətin şəraitdə yaşayan ailələr ilk mərhələdə doğma yurda dönəcəklər". İndi Ağdama köçürülmə başlayır və biz də həmin mərhələdə yer almaq istəyirik. Aidiyyəti qurumlardan xahiş edirik ki, bu məsələyə biganə qalmayıb, gəlib vəziyyətimizi yerində yoxlasınlar.”

Dünyamin Abışov onu da əlavə edib ki, Prezidentin Qarabağ iqtisadi rayonu üzrə xüsusi nümayəndəsi Emin Hüseynovun açıqlamasına əsasən, bu aydan etibarən Ağdama çətin şəraitdə yaşayan ailələrin köçürülməsi planlaşdırılır:

“Ümid edirik ki, bizim ailə də həmin mərhələyə daxil ediləcək".

Qeyd edək ki, dövlət başçısının göstərişinə əsasən, Qarabağa köçürülmənin ilk mərhələsində məhz çətin və ağır şəraitdə yaşayan ailələrə üstünlük verilir.

Dünyamin Abışovun ailəsi də bu kateqoriyaya daxildir və doğma Ağdama qayıdacağı günü səbirsizliklə gözləyir.

Pərvin Abışova