Sabah hava necə olacaq?
15 Noyabr 2026, 23:35
Qaynar xətt:
(+99450) 247 90 86
CƏMİYYƏT
674
03.11.2025, 10:49
Çoxdan idi İmişli rayon Mədəniyyət Mərkəzində belə möhtəşəm tədbir keçirilməmişdi. Tanınmış pedaqoq və xanəndə Vahid Əliyevin 75 illik yubileyinə həsr olunan “Bir ömür muğamın keşiyində” adlı tədbirə yüzlərlə rayon sakini öz təşəbbüsü ilə gəlmişdi.
Əvvəlcə Vətən müharibəsi şəhidlərinin xatirəsi bir dəqiqəlik sükutla anıldı. Qısa təqdimatdan sonra Vahid Əliyevin yaradıcı fəaliyyəti barədə videoçarx nümayiş olundu.
Azərbaycan Yazıçılar Birliyinin Aran bölməsinin sədri, "Ədəbiyyat qəzeti"nin şöbə redaktoru Sərvaz Hüseynoğlu, “Ulduz” jurnalının əməkdaşı, şair Dayandur Sevgin, uzun müddət mədəniyyət sahəsində çalışmış yazıçı-publisist Vaqif Rüstəmov, ictimaiyyət nümayəndəsi Sədaqət Vəliyev Vahid Əliyevin ömür yolu və yaradıcılığı barədə danışdılar. Qeyd olundu ki, özünəməxsus səsi ilə tanınan, geniş ictimaiyyət tərəfindən sevilən, 1977-ci ildə respublika üzrə keçirilən muğam müsabiqəsində 1-ci yeri tutan xanəndə, yarım əsrdən çox müddətdə muğamı təbliğ edib. İmişlidə ilk olaraq muğam dərnəkləri və ibtidai musiqi məktəbində səs (muğam) şöbəsi yaratmış pedaqoqun yetirmələri arasında xalq artisti, milli və beyəlxaq musiqi festifallarının qaliblərinin olmağı xüsusi vurğulandı.
Azərbaycan Milli Konservatoriyasının işçsi, əməkdar müəllim Qəzənfər Abbasov bildirdi ki, mədəniyyət, musiqi təhsili sahəsindəki böyük xidmətlərinə baxmayaraq Vahid Əliyev indiyədək heç bir fəxri ada layiq görülməyib. O, yerli icra icra hakimiyyəti və mədəniyyət idarəsi rəhbərlərinin indiyədək belə bir təşəbbüslə çıxış etməməsinə təəssüfləndi. Bu sözlər deyilərkən başqa bir biganəlik diqqət çəkdi: məlum odu ki, yığıncaqda İmişli rayon İcra Hakimiyyətinin, yerli mədəniyyət sektorunun rəhbər şəxsləri, habelə İmişlidən olan deputatlar iştrak etmirlər. Mikrafonların, səsgücləndirici və digər texniki vasitələrin bərbad halda olması isə yerli mədəniyyət idarəsinin öz işinə məsuliyyətsiz yanaşmasından xəbər verirdi.
Tədbirə təşrif buyuran Vahid Əliyevin keçmiş şagirdləri: Simarə İmanova, Nəzər Bəylərov, Vüqar Tahirov, Kəmalə Abbasova, Vidadi Bəykişiyev, Baxış Babaşov, Nuru Abbasov, Mətanət Xəlilova, Səbuhi Muradov və Xalid Bədəlov tərəfindən Azərbaycan muğamlarından parçalar ifa olundu. Tanınmış ritm ustadı, muğam bilicisi, pedaqoq Mahmud Salahın dəfdə ifası tamaşıçıları riqqətə gətirdi.
Yubiley tədbirində həmçinin Vahid Əliyevin hazırda İranda, Rusiyada, Holandiyada və Amerikada yaşayan yetirmələrinin də virtual təbrikləri səsləndi.
Gecənin aparıcısı, İmişli rayon mədəniyyət evinin direktoru Sərvər Şirinov mədəniyyət sahəsindəki məhsuldar fəaliyyətinə görə Vahid Əliyevin Mil-Muğan regional Mədəniyyət İdarəsi tərəfindən “Fəxri fərman”a layiq görüldüyünü elan etdi.
Üç saatdan artıq davam edən musiqili gecə tamaşaçılara böyük zövq verdi.
Azər
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.