SON DƏQİQƏ! Yeni təyinatlar baş tutub - FOTOLAR

news/2025_10_31/cavaddzzzzzz_1761903431.jpg

CƏMİYYƏT

3065

31.10.2025, 13:36

Akademik Mirməmməd Cavadzadə adına Respublika Klinik Uroloji Xəstəxanasının direktoru Fariz Babayev və baş həkimi Nicat Kərimov vəzifələrindən azad ediliblər.

Oxu24.com TƏBİB-ə istinadən xəbər verir ki, qurumun icraçı direktoru Vüqar Qurbanovun təqdimatı ilə sözügedən xəstəxanaya Pərviz Hacıyev rəhbərlik edəcək.

Bildirilib ki, tibb müəssisəsinin direktoru vəzifəsini icra edəcək P.Hacıyev ixtisasca uroloqdur və yeni təyinata qədər özəl tibb müəssisələrinin birində həkim-uroloq vəzifəsində çalışıb.

Pərviz Hacıyev 2001-2009-cu illərdə Ankara Universitetinin Tibb fakültəsində bakalavr, 2010-2015-ci illərdə urologiya ixtisası, 2016-2019-cu illər üzrə isə uşaq urologiyası ixtisası üzrə uzmanlıq təhsili alıb.

Bundan əlavə, tibb müəssisəsinə direktor müavini – baş həkim təyinatı da baş tutub. Belə ki, xəstəxananın direktor müavini - baş həkim vəzifəsinə Elçin Mustafayev təyin olunub.

E.Mustafayev ixtisasca uroloqdur və yeni təyinata qədər eyni tibb müəssisəsinin Endourologiya şöbəsinin müdiri vəzifəsini icra edib.

Həmçinin oxuyun

Elçin Alıoğlu: “Şirqulaminin “hədəsi” ABŞ-ın hərbi baza qurmaq ehtimalından deyil, daha dərin səbəblər var”

Bakıda binada yanğın başlayıb

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

E.Mustafayev 1994-2000-ci illərdə Azərbaycan Tibb Universitetinin Müalicə işi fakültəsində, 2002-2004-cü illərdə Moskva Urologiya Elmi-Tədqiqat Universitetində klinik ordinatura, 2004-2007-ci illərdə isə aspirantura təhsili alıb. O, 2007-ci ildə Moskva Urologiya Elmi-Tədqiqat İnstitutu, 2008-ci ildə isə Azərbaycan Respublikasının Prezidenti yanında Ali Attestasiya Komissiyası tərəfindən tibb elmləri namizədi elmi dərəcəsini alıb.

Qeyd edək ki, bu gün Vüqar Qurbanov yeni direktor və baş həkimi kollektivə təqdim edib, müvafiq tapşırıq və tövsiyələrini verib.