Təhsil müəssisələrində istilik sistemləri ilə bağlı mövcud vəziyyət açıqlanıb
18 Noyabr 2026, 12:28
Qaynar xətt:
(+99450) 247 90 86
CƏMİYYƏT
632
02.06.2025, 13:56
İnsanların bölgələrdən Bakıya axını geniş vüsət almaqdadır. Əsasən işləmək məqsədilə paytaxta gələnlər burada taksi sürücüsü, tikinti şirkətlərində fəhlə kimi fəaliyyət göstərmək məcburiyyətində qalırlar. Vətəndaşların Bakıya köçü müxtəlif problemlərlə yanaşı, kənd təsərrüfatında da geriləməyə səbəb olur.
Əhalinin Bakıya köçünü dayandırmaq üçün bölgələrimizdə hansı peşə üzrə iş yerlərinin sayı artırılmalıdır?
Oxu24.com xəbər verir ki, globalinfo.az-a danışan sabiq maliyyə naziri Fikrət Yusifov bunun yetərincə ciddi bir problem olduğunu vurğulayıb.
O deyib ki, problemin həlli yollarını bir açıqlama ilə söyləmək mümkün olmasa da əsas istiqamətləri sadalamaq olar:
“Bu gün urbanizasiya – yəni kənd əhalisinin şəhərlərə axını demək olar ki, bütün ölkələrin ən ciddi problemlərindən biridir. Dünyada birinci sənaye inqilabı ilə kənd əhalisinin şəhərlərə axınına start verildi. Buna qədər əhalinin təxminən 3 faizi şəhərlərdə yaşasa da, kənddən şəhərə insan axını ildən ilə sürətlə artmağa başladı. Yaxın illərdə dünyada şəhər əhalisinin xüsusi çəkisinin 60 faizə çatacağı gözlənilir.
Kənd əhalisinin sürətlə şəhərlərə axını yalnız Azərbaycanın problemi deyil, lakin bizdə urbanizasiya daha acınacaqlı şəkildə baş verir. Bu, ilk növbədə ölkə iqtisadiyyatının 95 faizdən çoxunun Abşeron yarımadasında yerləşməsi ilə daha çox bağlı olan məsələdir”.
Fikrət Yusifovun sözlərinə görə, kənddən şəhərə insan axınının qarşısının alınmasının əsas yolu bölgələrdə iş yerlərinin açılmasından keçir:
“İnsan işləməsə, qazanmasa onun həyatı dayanar. İnsanlar kənddən şəhərə hər hansı bir işlə məşğul olmaq üçün gəlirlər. Baxın, həmin o hər hansı bir iş yeri regionda olarsa, vətəndaşlar heç vaxt özünün normal evini tərk edib Bakıda çox ağır bir mənzil şəraitində yaşamaq seçimi etməzlər.
İş yerlərini isə dövlət açmamalıdır. Bunun üçün yerlərdə kiçik və orta biznesin inkişafının qarşısında duran problemləri həll etmək lazımdır. Bu sırada ilk yerdə biznesin maliyyə əlçatanlığı kimi ciddi bir problemin həlli yollarını tapmaq dayanır. Mövcud problem çözülməyincə yerlərdə biznesin yüksəlişi mümkün olmayacaq və əhalinin şəhərə axını davam edəcək. Kənddən şəhərə gəlmiş insanı geri qaytarmağın bir başqa yolu yoxdur”.
12:32 / 18 Noyabr 2026
1
12:28 / 18 Noyabr 2026
21
12:20 / 18 Noyabr 2026
42
12:15 / 18 Noyabr 2026
38
12:10 / 18 Noyabr 2026
69
12:03 / 18 Noyabr 2026
70
12:03 / 18 Noyabr 2026
383
11:49 / 18 Noyabr 2026
143
11:43 / 18 Noyabr 2026
78
11:39 / 18 Noyabr 2026
84
11:35 / 18 Noyabr 2026
89
11:32 / 18 Noyabr 2026
87
11:22 / 18 Noyabr 2026
436
11:19 / 18 Noyabr 2026
110
11:15 / 18 Noyabr 2026
89
11:13 / 18 Noyabr 2026
83
11:11 / 18 Noyabr 2026
634
11:08 / 18 Noyabr 2026
94
10:21 / 18 Noyabr 2026
100
10:18 / 18 Noyabr 2026
110
10:14 / 18 Noyabr 2026
107
10:01 / 18 Noyabr 2026
100
09:11 / 18 Noyabr 2026
134
© 2026 Oxu24.com Müəllif hüquqları qorunur.